ხვალ საღამოს (თბილისის დროით ღამის 01:00 საათზე), ესპანეთის სამეფო თასის მეოთხედ-ფინალური ეტაპის საპასუხო შეხვედრა შედგება “ბარსელონასა” და “რეალს” შორის. გრანდები ერთმანეთს “კამპ ნოუზე” დაუპირისპირდებიან. ამ წუთებში “ბარსას” ოფიციალურმა ვებ-გვერდმა გაავრცელა ინფორმაცია იმის შესახებ, რომ გულშემატკივრები გუნდის გასამხნევებლად სტადიონის ტრიბუნებზე ე.წ. მოზაიკას გააკეთებენ.
მოზაიკის გაკეთებაში მონაწილეობას მიიღებს 22,000 მაყურებელი. ისინი ბანერებით გამოსახავენ ტექსტს – Som-hi Barça. ტექსტის ირგვლივ კი კატალონიის დროშა გამოისახება.
