“ევერტონი” ლუკა დინის ტრანსფერს 25 მილიონ ევროდ აფასებს

“ევერტონი” “ბარსელონას” მარცხენა მცველის, ლუკა დინის შეძენას გეგმავს, იტყობინება The Mirror.

წყაროს ინფორმაციის თანახმად, მერსესაიდელები ფრანგი მოთამაშის ტრანსფერს 25 მილიონ ევროდ აფასებენ, როდესაც დინის კონტრაქტში გამოსასყიდ თანხად 100 მილიონი ევროა გაწერილი, ხოლო ხელშეკრულების ვადა 2021 წლამდეა ძალაში.

ადრე გავრცელდა ინფორმაცია, რომ 25 წლის ლუკა დინის მიმართ ინტერესს ასევე “იუვენტუსი” და “ბაიერნიც” იჩენენ.