ვასილის ტსარტასმა გვარდიოლა შეაქო

”სევილიასა” და საბერძნეთის ყოფილმა ვარსკვლავმა ხოტბა შეასხა ”ბლაუგრანას” მწვრთნელს და მედიასთან საუბრისას აღნიშნა: ”ჩემთვის ყოველთვის დიდი პატივია ისეთ ადამიანთან საუბარი, როგორიც პეპ გვარდიოლაა.”
1990-იან წლებში ტსარტასი და გვარდიოლა არაერთხელ შეხვედრიან ერთმანეთს მოედანზე მეტოქეების რანგში, და ის პეპის დიდი გულშემატკივარია: ”მე ყოველთვის აღფრთვანებული ვიყავი მისი თამაშით, და ვთვლი, რომ ის მაშინაც კი მწვრთნელობდა მოედანზე”.
მაშინ, როდესაც გვარდიოლამ აპლოდისმენტები დაიმსახურა ”ბარსას” ხელმძღვანელობის გამო, ტსარტისი თვლის, რომ ”ბარსას” ფეხბურთელებიც იმსახურებენ ქებას: ”გუნდში საჭიროა კარგი ფეხბურთელები, და გვარდიოლას ისინი ყავს. ასევე მნიშვნელოვანია შენი იდეების გადაცემა ფეხბურთელებისათვის, ისევე როგორც მნიშვნელოვანია გუნდში ნიჭიერი მოთამაშეების ყოლა, ხარისხი და ერთსულოვნება”.