უნსუე: ფრეზე ხელს არ მოვაწერთ
ვიგოს "სელტას" მთავარმა მწვრთნელმა, ხუან კარლოს უნსუემ ხვალინდელ დაპირისპირებაზე ისაუბრა.
"მოგება გვინდა. რა თქმა უნდა, ვიცით, რომ ეს ძალიან რთული იქნება, თუმცა ჩვენი ფეხბურთელები კატალონიელებს წინააღმდეგობას გაუწევენ და იოლი მატჩი არც მათთვის გამოვა. ახლა რომ შეგვეძლოს, ფრეზე ხელს არ მოვაწერდით. მოთამაშეებს მოტივაცია ნამდვილად არ აკლიათ, დარწმუნებული ვარ, ისინი ყველაფერს გააკეთებენ.
არა მგონია იმ ფაქტმა, რომ "ბარსელონა" მნიშვნელოვან შეხვედრებს თითქმის ყოველ 3 დღეში ატარებს, გუნდზე გავლენა მოახდინოს. "ბარსა" ამას მიჩვეულია". - განაცხადა უნსუემ.
შეგახსენებთ, რომ უნსუე არც ისე დიდი ხნის წინ კატალონიური გუნდის მწვრთნელის ასისტენტად მუშაობდა. ეს პოსტი მას 2014-17 წლებში ეკავა, მიმდინარე სეზონის დასაწყისში კი "სელტა" ჩაიბარა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 10 ]