ოფიციალურად: ბარტრა "დორტმუნდში" გადადის

25 წლის ესპანელი ცენტრალური მცველი მარკ ბარტრა კარიერას "დორტმუნდში" განაგრძობს. ამ ინფორმაციას კატალონიური კლუბის ოფიციალური ვებგვერდი ავრცელებს.

იმის გამო, რომ გასულ სეზონში, ბარტრამ კონტრაქტით გათვალისწინებული მატჩების რაოდენობა ვერ ჩაატარა, მისი გამოსასყიდი თანხა 40 მილიონი ევროდან 8 მილიონამდე შემცირდა. დორტმუნდელებმა ამით ისარგებლეს და 25 წლის ფეხბურთელი გაიფორმეს.

მარკ ბარტრა "ბარსელონას" 2002 წელს, 11 წლის ასაკში შეუერთდა. კატალონიელთა პირველ გუნდში ის 2012 წელს დაწინაურდა. "ბარსას" მაისურით ბარტრამ 103 თამაში ჩაატარა, 6 გოლი გაიტანა და 13 ტიტული მოიგო.

ბარტრა უკვე მე-2 მცველია, რომლის ზაფხულში წასვლაც "ბარსელონამ" უკვე დაადასტურა. აქამდე ცნობილი იყო, რომ კატალონიურ გუნდს დანი ალვესი დატოვებს.