"ბლაუგრანა" ისევ ჩემპიონია!

ალბათ იცით, რომ ჩვენი ფანკლუბის გუნდი "ბლაუგრანა" საფეხბურთო ინტელექტუალურ ვიქტორინა "მე-12 მოთამაშეში" გამოდის და ტურნირის ისტორიაში საუკეთესო გუნდიცაა - 4 სეზონიდან 3 ჩემპიონობა და ერთიც მეორე ადგილი.

გუშინ ამ ტურნირის მეხუთე სეზონის ფინალი გაიმართა. "ბლაუგრანა" ტრადიციულად ჩემპიონობისთვის იბრძოდა, თუმცა გადამწყვეტ, მე-5 ტურს ჩვენი გუნდი ძალიან ცუდი შედეგებით შეხვდა. ლიდერთან, იუვენტუსის ფანკლუბის გუნდ "იუვენტინოსთან" 8 ქულას ვაგებდით, რაც ძალიან დიდი ჩამორჩენა იყო.

მე-5 ტურის პირველი 3 კითხვის შემდეგ ჩვენი მდგომარეობა კიდევ უფრო დამძიმდა და ისტორიაში პირველად, სამეულს მიღმა ვრჩებოდით.

წინა 4 სეზონიც ძალიან დაძაბული იყო, მაგრამ ჩემპიონობისთვის ყოველთვის მხოლოდ 2 გუნდი იბრძოდა, გუშინ კი იმ დროს, როდესაც მხოლოდ 2 კითხვა იყო დარჩენილი, პირველი ადგილის დაკავების რეალური შანსი 5 გუნდს ჰქონდა, "ბლაუგრანა" კი მათ შორის მე-4 პოზიციას იკავებდა.

თუ რა მოხდა ბოლო ორ კითხვაში, შეგიძლიათ, ვიდეოში ნახოთ.

ესეც ჩვენი გუნდის შემადგენლობა: ილო ბაბუხადია, ნიკა ტაბატაძე, ტატო ბაციკაძე, მიშა ზაქარეიშვილი, ანდრია პროსტოსერდოვი, გიორგი ანთაძე.