რივალდო: კავანი "ბარსელონას" გააძლიერებს
ლუის სუარესმა მძიმე ტრავმა მიიღო და აღმოჩნდა, რომ "ბარსელონას" ურუგვაელი ცენტრფორვარდის შემცვლელი არ ჰყავს. დიდი არჩევანი არც აკადემიაშია, ასე რომ, გამორიცხული არაა, კატალონიურმა გრანდმა თავდამსხმელი იანვრის ბოლომდე დაიმატოს.
ერთ-ერთი ფეხბურთელი, რომელსაც "ბარსას" უკავშირებენ, "პარი სენ-ჟერმენის" ერთ-ერთი ყველაზე გამოცდილი მოთამაშე, ედინსონ კავანია.
"ბარსელონას" ბრაზილიელი ლეგენდა, რივალდო, მიიჩნევს, რომ 32 წლის სამხრეთ ამერიკელი სუარესის დანაკლისის შევსების საუკეთესო ვარიანტია.
"სუარესი თამაშს დიდხანს ვერ შეძლებს, კავანი კი "ბარსელონას" შეტევას საოცრად გააძლიერებს. ის უმაღლესი დონის ფორვარდია, რომელიც ევროპის ტოპ ლიგებში გოლების რაოდენობით გამოირჩევა.
ჩანს, რომ ის პსჟ-ს დატოვებასთან ახლოსაა, ასე რომ, "ბარსას" ახლა კარგი შანსი აქვს". - ციტირებს რივალდოს სიტყვებს Sport.
ამ სიახლეზე კომენტარები გათიშულია.
კომენტარები [ 58 ]