გილემ ბალაგე: რა შემთხვევაში დატოვებს ერნესტო ვალვერდე "ბარსელონას"
"ლივერპულთან" ჩემპიონთა ლიგაზე განცდილი მარცხის შემდეგ, ეჭვი არავის ეპარებოდა, რომ ჩემპიონატის მოგების მიუხედავად, ერნესტო ვალვერდეს "ბარსელონას" მთავარი მწვრთნელის პოსტიდან გაუშვებდნენ, მაგრამ კლუბის პრეზიდენტი მას ენდობა და ახალი მწვრთნელის ძებნას არ აპირებს.
ცნობილი ესპანელი ჟურნალისტი, გილემ ბალაგე აცხადებს, რომ ვალვერდეს გათავისუფლების ერთი ვარიანტი მაინც არსებობს.
"რა თქმა უნდა, "ბარსელონამ" ლა ლიგა მოიგო, მაგრამ ეს საკმარისად აღარ მიიჩნევა.
ჟოზეპ ბართომეუს ვალვერდეს დარჩენა სურს და მან ეს საჯაროდაც განაცხადა. ვალვერდეს მიმართ განსაკუთრებული პრობლემა არც ფეხბურთელებს აქვთ, თუმცა მათი ურთიერთობა ისეთი აღარაა, როგორიც წინა სეზონში იყო.
სიტუაციის შეცვლა მაინც შეიძლება: თუ "ბარსა" თასის ფინალში "ვალენსიასთან" მარცხს იგემებს, ერნესტო ვალვერდეს თანამდებობაზე ყოფნა გადაიხედება". - ციტირებს ბალაგეს სიტყვებს Daily Star.
ამ სიახლეზე კომენტარები გათიშულია.
კომენტარები [ 38 ]