"ბარსელონას" ფეხბურთელებს სურთ, რომ გასახდელში ვიდეოგადაღება შეწყდეს
"ბარსელონას" ფეხბურთელებს კატალონიურ გუნდზე გადაღებული დოკუმენტუჰრი ფილმი Matchday არ მოეწონათ და მათ სურთ, რომ გუნდის გასახდელიდან კამერების დემონტაჟი მოხდეს.
გასული წლის მიწურულს, გამოვიდა დოკუმენტური ფილმი Matchday, რომელიც "ბარსელონას" გასულ სეზონს ეხებოდა. ფილმში არაერთი ისეთი კადრი მოხვდა, რომლის შესახებაც გულშემატკივარმა მანამდე არაფერი იცოდა.
ცნობილია, რომ ამჟამად მიმდინარეობს Matchday 2-სთვის მასალების შეგროვება. ივარაუდება, რომ მიმდინარე სეზონზე გადაღებული დოკუმენტური ფილმის პრემიერა შემოდგომაზე შედგება.
Marca-ს ცნობით, "ბარსელონას" ფეხბურთელები უკმაყოფილონი არიან იმით, რომ მათ გასახდელში კამერებია დამონტაჟებული და ყველა საუბარი იწერება. ეს იყო იმის მიზეზი, რომ ისინი Matchday-ს პირველი სეზონის პრემიერას არ დაესწრნენ.
მადრიდული გამოცემის ინფორმაციით, ფეხბურთელები ითხოვენ, რომ გასახდელში გადაღება შეწყდეს.
ამ სიახლეზე კომენტარები გათიშულია.
კომენტარები [ 49 ]