რონალდუს დამ მესის მიერ "ოქროს ბურთის" მოგებაში მაფია დაადანაშაულა
კრიშტიანუ რონალდუს დამ, ელმა დოს სანტოს ავეირუმ, მისი ძმის "დაჩაგვრა" კიდევ ერთხელ გააპროტესტა და განაცხადა, რომ ლეო მესის მიერ "ოქროს ბურთის" მოგებაში მაფიაა გარეული.
"სამწუხაროდ, ესაა მსოფლიო, რომელშიც ვცხოვრობთ. შესაძლოა, ფეხბურთში არაფერი გამეგება, რადგან ყოველთვის ვფიქრობ, რომ მას, ვინც ინდივიდუალურ ჯილდოს იგებს, მეტი გუნდური ტიტული უნდა ჰქონდეს მოგებული. ამ ბიჭის [მესი] საწინააღმდეგო არაფერი მაქვს, მაგრამ ვერ ვხვდები, რითა ის ჩემს ძმაზე უკეთესი!!!
ვინაიდან ბევრი არაფერი გამეგება, ვვარაუდობ, რომ ეს ჯილდო პიროვნულ დონეზე გაიცემა და არა პროფესიონალიზმის გათვალისწინებით!!! ეს გვიჩვენებს, რომ მაფია სუსტის მხარეს არასდროს იქნება. თუმცა, სამართალი იზეიმებს, რონალდუ პორტუგალიასთან ერთად არასდროს ჩაფლავდება და ის საკადრის პასუხს შესაბამის დროს გასცემს.
ყველა ხედავს, რომ შენ ჩემთვის საუკეთესო ხარ და ყოველთვის იქნები..." - დაწერა რონალდუს დამ Instagram-ზე, მაგრამ პოსტი მალევე წაშალა.
კრიშტიანუ რონალდუ, 2019 წლის "ოქროს ბურთზე" მე-3 ადგილს გავიდა. სამაგიეროდ, იმ დროს, როდესაც ლეო მესი მსოფლიოს საუკეთესო ფეხბურთელად აღიარეს, პორტუგალიელს სერია A-ს საუკეთესო ფეხბურთელის ჯილდო გადაეცა.
ამ სიახლეზე კომენტარები გათიშულია.
კომენტარები [ 34 ]