პოჩეტინოს 4 მიზეზი "ბარსელონაში" მოსასვლელად
"ტოტენჰემმა" მაურისიო პოჩეტინო მწვრთნელის თანამდებობიდან ოფიციალურად გაათავისუფლა და მის ადგილას ჟოზე მოურინიო დანიშნა.
არგენტინელი სპეციალისტი ამჟამად თავისუფალია და მას მრავალ კლუბს უკავშირებენ. მათ შორის ერთ-ერთი "ბარსელონაცაა", მიუხედავად იმისა, თუ რა თქვა პოჩეტინომ წარსულში.
სპორტული გამოცემა "ტრიბუნას" მიხედვით, წარმოგიდგენთ ოთხ ძირითად მიზეზს, თუ რატომ შეიძლება პოჩეტინო "კამპ ნოუზე" ვიხილოთ.
1. ის არ არის ერთადერთი, ვინც "ესპანიოლში" მუშაობდა
"ბარსელონას" ამჟამინდელი თავკაციც "ესპანიოლის" რიგებში თამაშობდა და შემდეგ წვრთნიდა კიდეც კლუბს პოჩეტინოს მისვლამდე. ამასთანავე, სწორედ ვალვერდე იყო ის ფებურთელი, რომელმაც არგენტინელი სათადარიგოთა სკამზე დასვა და მას სამწვრთნელო კარიერისკენ უბიძგა. მართალია, ვალვერდეს რეზიუმეში "ბარსელონაში" გატარებულ პერიოდსაც აღმოვაჩენთ, თუმცა მან შექმნა პრეცედენტი, რომლის გამეორება პოჩეტინოსაც შეუძლია.
2. არასდროს თქვა არასდროს
პოჩეტინომ ერთ-ერთ ინტერვიუში ახსენა, რომ არ არსებობდა შანსი, მას "ბარსელონა" გაეწვრთნა და ამ გუნდთან მხოლოდ ესპანიოლის გავლით იყო დაკავშირებული. პოჩეტინო არ არის ერთადერთი, რომელმაც მსგავსი კომენტარი გააკეთა. საინტერესოა, რომ 2015 წელს ჟოზე მოურინიო აღნიშნა, იგი არასდროს გაწვრთნიდა "ტოტენჰემს" "ჩელსის" გულშემატკივრების პატივსაცემად, მაგრამ...
3. აღფრთოვანება ლიონელ მესით
პოჩეტინომ მესის ფეხბურთის ღმერთი უწოდა და აღნიშნა, რომ არგენტინელის წყალობით ძალთა ბალანსი ყოველთვის "ბარსელონას" სასარგებლოდ იხრება. "ტოტენჰემის" ყოფილი მწვრთნელის განცხადებით, იგი სიამაყით მოუყვებოდა მის შვილიშვილებს მესის შესახებ. ალბათ, ძალიან ცოტა მწვრთნელი იტყოდა უარს მესის გაწვრთნაზე, და შეიძლება ვივარაუდოთ, რომ სწორედ მესის ფაქტორმა იქონიოს გავლენა მაურისიოს "ბლაუგრანაში" მოსვლაზე.
4. ათწლეულის შანსი
პოჩეტინომ "ტოტენჰემისგან" პრემიერ ლიგის ერთ-ერთი საუკეთესო კლუბი შექმნა და ჩემპიონთა ლიგის ფინალში თამაშიც შეძლო ყოველგვარი ტრანსფერის გარეშე, ამიტომ "ბარსელონას" ხელმძღვანელობამ მსოფლიო კლასის მწვრთნელის მოყვანის შანსი ხელიდან არ უნდა გაუშვას. თავად არგენტინელისთვისაც ეს, ალბათ, განსაკუთრებული შესაძლებლობა იქნება დაამტკიცოს საკუთარი პროფესიონალიზმი.
ამ სიახლეზე კომენტარები გათიშულია.
კომენტარები [ 23 ]