"გრემიო" არტურის "ბარსელონაში" ზაფხულში გაშვებას არ გამორიცხავს
"გრემიოს" პრეზიდენტი რომილდო ბოლზანი აცხადებს, რომ ის მზადაა გუნდის ახალგაზრდა ნახევარმცველის, არტურის "ბარსელონაში" ზაფხულში გაშვების ვარიანტი განიხილოს.
"ბარსელონამ" და "გრემიომ" შეთანხმებას უკვე მიაღწიეს და თუ კატალონიელები 15 ივლისამდე 30 მილიონ ევროს გადაიხდიან, 21 წლის ფეხბურთელი ესპანეთის ჩემპიონებს შეუერთდება, მაგრამ ბრაზილიაში სეზონის დასრულების შემდეგ, ანუ 2019 წლის იანვარში.
ბოლო დროს გავრცელებული ცნობებით, "ბარსელონას" სურს შეთანხმება შეცვალოს და არტური ზაფხულშივე დაიმატოს. "გრემიოს" პრეზიდენტი, აქამდე, მოვლენების ამგვარ განვითარებას გამორიცხავდა, მაგრამ როგორც ჩანს, მან პოზიცია შეიცვალა,
"თუ არტურის ზაფხულში გაშვებასთან დაკავშირებით შემოთავაზებას მივიღებთ, მას განვიხილავთ. ამ ეტაპისთვის, ასეთი შემოთავაზება არ გვქონია." - ციტირებს ბოლზანის სიტყვებს Mundo Deportivo.
ამ სიახლეზე კომენტარები გათიშულია.
კომენტარები [ 17 ]