ბარსელონა ჩემპიონთა ლიგის 1/4-ფინალში დორტმუნდს დაუპირისპირდება

ცოტა ხნის წინ ჩემპიონთა ლიგის კიდევ ერთი 1/4-ფინალური წყვილი გაირკვა - ბარსელონა, რომელმაც გუშინ მერვედფინალიდან ბენფიკა გააგდო, დორტმუნდს დაუპირისპირდება.

პირველი შეხვედრა 8 აპრილს, ბარსელონაში გაიმართება, განმეორებით მატჩს კი 15 აპრილს გერმანია უმასპინძლებს.

ბორუსიამ დღეს ტურნირს ლილი გამოთიშა - გერმანიაში ფრედ (1-1) დასრულებული მატჩის შემდეგ, საფრანგეთში გამართული დაპირისპირება ნიკო კოვაჩის შეგირდების გამარჯვებით, 2-1 დასრულდა.

ბარსელონა-დორტმუნდის გარდა, ასევე ცნობილია, რომ მეოთხედფინალში ერთმანეთს ბაიერნი და ინტერი დაუპირისპირდებიან - ამ წყვილებს შორის გამარჯვებულები კი ნახევარფინალში ერთმანეთს შეხვდებიან.

დანარჩენი წყვილებიც დღეს გაირკვევა. პარი სენ-ჟერმენი შემდეგ ეტაპზე გუშინ გავიდა, ცოტა ხანში კი ატლეტიკო-რეალ მადრიდი, ასტონ ვილა-ბრიუგე და არსენალი-პსვ დაიწყება.