FIFA-ს გალა-წარმოდგენის დეტალები
ხვალ, თბილისის დროით 21 საათსა და 30 წუთზე, FIFA-ს გალა წარმოდგენა დაიწყება, რომლის დროსაც 2015 წლის მსოფლიოს საუკეთესო ფეხბურთელი, საუკეთესო მწვრთნელი, საუკეთესო გოლი, ფეარ ფლეის პრიზის მფლობელი და სიმბოლური გუნდი დასახელდება.
ციურიხში აქტივობები თბილისის დროით 17 საათზე დაიწყება. ამ დროს, მსოფლიოს 2015 წლის საუკეთესო ფეხბურთელისა (ლიონელ მესი, ნეიმარი, კრიშტიანუ რონალდუ) და მწვრთნელის (ლუის ენრიკე, პეპ გვარდიოლა, ხოსეპ სამპაოლი) ჯილდოზე წარდგენილები პრესკონფერენციას გამართავენ. გამონაკლისი ლუის ენრიკე იქნება, რომელიც დაჯილდოებას არ დაესწრება. პრესკონფერენციების პირდაპირ რეპორტაჟს ჩვენი ვებგვერდი შემოგთავაზებთ.
თბილისის დროით 20 საათზე ჩვენი ვებგვერდი წითელი ხალიჩიდან პირდაპირ რეპორტაჟს შემოგთავაზებთ, სადაც შეგეძლებათ ნახოთ, როგორ მიდიან სტუმრები დაჯილდოებაზე.
თავად დაჯილდოება კი 21 საათსა და 30 წუთზე დაიწყება. მის პირდაპირ რეპორტაჟს საზოგადოებრივი მაუწყებლის პირველი არხი და ჩვენი ვებგვერდი შემოგთავაზებთ.
ამ სიახლეზე კომენტარები გათიშულია.
კომენტარები [ 45 ]