ლამინ იამალი ბარსელონაში ბრუნდება და საქართველოსთან არ ითამაშებს
ლამინ იამალის გარეშე ვნებათაღელვა არ წყდება, თუმცა ამჯერად თავად ფეხბურთელი არაფერ შუაშია. საქმე "ბარსელონასა" და ესპანეთის ფეხბურთის ფედერაციას შორის დაძაბულობას ეხება.
დღეს ცნობილი გახდა, რომ იამალმა ესპანეთის ეროვნული ნაკრები დატოვა და ის ბარსელონაში დაბრუნდა. მიზეზი ის ტრავმაა, რომელიც მას ბოლო დროს მუდმივად აწუხებს. გუშინ ჩატარებულმა გამოკვლევებმა ცხადყო, რომ ახალგაზრდა ვარსკვლავს 7-10 დღე დასვენება ჭირდება. პრობლემა კი ისაა, რომ სამედიცინო გამოკვლევები ესპანეთის ფეხბურთის ფედერაციასთან შეთანხმებული არ იყო და ნაკრების ექიმებმა ამის შესახებ არაფერი იცოდნენ. მომხდართან დაკავშირებით ფედერაციამ გაკვირვება უკვე გამოხატა, თუმცა განაცხადა, რომ ფეხბურთელის საუკეთესო ინტერესების გათვალისწინებით მის დასვენებას ხელს არ შეუშლიან.
მომხდარით აღშფოთებულია "ფურია როხას" დამრიგებელი ლუის დე ლა ფუენტე, რომელიც აცხადებს: "შოკირებული ვარ. მსგავსი რამ აქამდე არასდროს მინახავს და არ მგონია, ეს ნორმალური იყოს. ჩვენ არაფერი ვიცოდით, საერთოდ არაფერი და უცებ ასეთი რაღაც გავიგეთ."
ამრიგად, ლამინ იამალი მსოფლიო ჩემპიონატის შესარჩევ ეტაპზე თურქეთთან და რაც ჩვენთვის უფრო სასიხარულოა, საქართველოსთან თამაშებს გამოტოვებს.
მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
კომენტარები [ 39 ]