ბარსელონას პირველი შენაძენი, შესაძლოა, კუნდე იყოს | MD ბარსას სატრანსფერო გეგმებზე

ბარსელონას პირველი შენაძენი, შესაძლოა, კუნდე იყოს | MD ბარსას სატრანსფერო გეგმებზე

კატალონიური გამოცემა Mundo Deportivo "ბარსელონას" სატრანსფერო გეგმებზე წერს. 

ლევი, კუნდე, ბერნარდუ

როგორც ცნობილია, ამ ზაფხულში "ბარსელონას" მთავარი სამიზნეები რობერტ ლევანდოვსკი, ჟიულ კუნდე და ბერნარდუ სილვა არიან.

კუნდე | წყაროს ცნობით, აღნიშნულ ფეხბურთელს შორის პირველი, რომლის ტრანსფერიც განხორციელდება, შესაძლოა, ფრანგი მცველი იყოს.

"სევილია" "ბარსასგან" სათანადო შემოთავაზებას ელის და 60 მილიონი ევროს მიღება სურს, მაგრამ კატალონიელები იმედოვნებენ, რომ ტრანსფერში მოთამაშის ჩართვას შეძლებენ. ადრე გავრცელებული ინფორმაციით, ანდალუსიურ კლუბს სერჟინიო დესტი მოსწონს. ჟოან ლაპორტას სევილიელებთან კარგი ურთიერთობა აქვს, რაც "ბლაუგრანას" უპირატესობას აძლევს.

*COPE-ს თანახმად, კუნდესთან დაკავშირებით "ბარსელონასა" და "სევილიას" შორის ოფიციალური მოლაპარაკებები უკვე დაიწყო. ჟიული დაცვის გასაძლიერებლად "ბარსას" მთავარი სამიზნეა.

ლევანდოვსკი | "ლურჯ-ბროწეულისფერები" აპირებენ, რობერტი 12-15 ივლისამდე მოიყვანონ. ჩავი ერნანდესს სურს, პოლონელი თავდამსხმელი ამერიკის შეერთებულ შტატებში გასამართ პრესეზონამდე (16 ივლისი) გაიფორმოს.

ბერნარდუ სილვა | "ბლაუგრანას" პორტუგალიელს შეთავაზებას ფრენკი დე იონგს გაყიდვის შემდეგ გაუკეთებს. ბერნარდუს ტრანსფერი სწორედ ნიდერლანდელზეა დამოკიდებული. თუ ის დარჩება, სილვა "ბარსაში" აღარ გადმოვა. 

მას შემდეგ, რაც სატელევიზიო უფლებების გასხვისებით ფინანსური მდგომარეობის გამოსწორება შესაძლებელია, "ბარსელონა" 30 ივნისამდე  ფეხბურთელების გაშვებას აღარ იჩქარებს. ბერნარდუ სილვას გარემოცვა 15 ივლისამდე დიდ სიახლეებს არ ელის.

წამსვლელთა სია

მოთამაშეები, რომლებსაც კლუბმა უკვე შეატყობინა, რომ წასვლა მოუწევთ, არიან:

  • სამუელ უმტიტი
  • რიკი პუჩი 
  • ოსკარ მინგესა
  • მარტინ ბრეითუეიტი 
  • ნეტუ
  • კლემან ლანგლე
  • მირალემ პიანიჩი
  • ფრანსიშკუ ტრინკაუ

თუმცა, მიუხედავად ამისა, რომ ამ ფეხბურთელებთან კომუნიკაციის შემდეგ მთელი 1 თვე გავიდა, ყველა მათგანი ჯერ კიდევ გუნდშია. ზოგმა წასვლაზე თანხმობა განაცხადა, ზოგს კი კონტრაქტის ბოლომდე მიყვანა სურს.

ფერან ჟუტგლას, დანი ალვესის, ლუკ დე იონგისა და ადამა ტრაორეს "ბარსელონური" კარიერა უკვე დასრულდა.

მინგესა | ოსკარ მინგესა იმ მოთამაშეებს შორის, რომლებსაც "ბარსამ" წასვლა სთხოვა, რაზეც ესპანელი წინააღმდეგი არაა. ის ახალ კლუბს ეძებს და რამდენიმე წინადადებას განიხილავს. "ბარსა" ოსკარს მარტივად შეელევა, მაგრამ 5 მილიონამდე სურს.

უმტიტი | სახელფასო ფონდის შესამცირებლად კონტრაქტის 2026 წლამდე გახანგრძლივების მიუხედავად, ცხადია, რომ ფრანგი "ბარსელონაში" არ დარჩება. მაგრამ, მისი ხელფასი და ცუდი ფიზიკური კონდიციები ტრანსფერს ართულებს. 

პუჩი | რიკის წარმატების მიღწევა "ბარსაში" უნდოდა, მაგრამ ჩავიმ მას გარკვევით უთხრა, რომ გუნდის გეგმებში არ შედის. მისთვის ახალი კლუბის ძებნა მიმდინარეობს, მაგრამ გადაწყვეტილი არაფერია.

ბრეითუეიტი | წასვლაზე უარს ყველაზე მეტად სწორედ დანიელი აცხადებს. ის ამბობს, რომ გუნდში დარჩენა ხელშეკრულების ამოწურვამდე (2024 წლამდე) სურს, მიუხედავად იმისა, რომ იცის, თამაში არ მოუწევს. კლუბში მისი საქციელი ძალიან არ მოსწონთ.

ნეტუ & ლანგლე | მაღალი ანაზღაურების გამო მათი გაშვება საკმაოდ რთულია. ფრანგ ფეხბურთელს მსოფლიო ჩემპიონატზე თამაში სურს და წასვლაზე უარს არ იტყვის. 

პიანიჩი & ტრინკაუ | ორივე მათგანის გასხვისება გადაწყვეტილია, მაგრამ ჯერ არაფერი გარკვეულა. ამ მომენტისთვის ფრანსიშკუს მომავალი უფრო ნათელია, ვიდრე ბოსნიელი ნახევარმცველის.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 25 ]

    ინფორმაცია
    მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
    Culé [?]
    #5 22 ივნისი 2022 16:11
    2
    კუნდე კარგია თუ მოიყვანეს ორ პოზიციას ფარავს მარჯვენა მცველად თამაში შეუძლია იმიტომ რომ სისწრაფე აქვს არაუხო მაინც მარტო რჩება ცენტრში ქრისტენსენი/გარსია ორივე სკამის ხალხია პიკეს დიდი იმედი არ მაქვს ტრავმები/ასაკი კულიბალი გამოირიცხა სამწუხაროდ (არადა დაგვხატავდა)
    წევრი [?]
    #4 22 ივნისი 2022 15:50
    2
    ეს და არაუხო მკვლელი დუო იქნება smiley
    ფანი [?]
    #3 22 ივნისი 2022 15:28
    5
    რაფინია 70 მილიონი ღირს თურმე მაგდენს ითხოვს ლიდსი და მაგაში თუ ამხელა თანხა გაისროლეს ლაპორტას დასაკიდია @ვერებით
    გულშემატკივარი [?]
    #2 22 ივნისი 2022 15:26
    2
    კუნდე და არაუხო ორივე მაგარი იქნება ცენტრში მაგრამ, ფლანგებს რა ვუშველოთ, კაი ალბა კიდე იყოს ეს წელი მარა მარჯვნივ რობერტოს დანახვა არ მინდა, ალბათ არაუხოს გაწევს ხშირად თუ ვერავინ მოიყვანეს
    საიტის ლეგენდა  [?]
    #1 22 ივნისი 2022 15:13
    4
    მოკლედ მაგარი პერესტროიკები უნდა წავიდეს გუნდში. მთავარი მაინც გაჯიუტებული ფეხბურთელების გაშვებაა, ეს თუ მოხერხდება შეიძლება ამის შემდეგ უფრო სწრაფად წავიდეს საქმე წინ.