დემბელემ ვარჯიშზე ისევ დააგვიანა
როგორც ჩანს, უსმან დემბელეს დისციპლინის პრობლემები ისევ აქვს - ფრანგმა თავდამსხმელმა დღევანდელ ვარჯიშზე 15 წუთით დაიგვიანა. ეს ინფორმაცია კატალონიურმა Cat Radio-მ გაავრცელა.
23 წლის ფეხბურთელი მოედანს გუშინ, "ვილიარეალის" წინააღმდეგ გამართულ მატჩში დაუბრუნდა. მას მძიმე ტრავმა ჰქონდა მიღებული და 10 თვე, ანუ წინა სეზონის დიდი ნაწილი გაუცდა. ვარჯიშებზე ხშირად დაგვიანების შემთხვევაში, მისი რეგულარულ შემადგენლობაში დაბრუნების შანსი ძალიან მცირე იქნება.
"ბარსელონას" ახალი მთავარი მწვრთნელი, რონალდ კუმანი, სავარჯიშო სესიებს მის წინამორბედებზე უფრო სერიოზულად ეკიდება. მან ფეხბურთელებს სავარჯიშო მოედანზე ადრე გამოცხადება დაავალა და მათზე ფიზიკური დატვირთვა მნიშვნელოვნად გაზარდა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
1 2
კომენტარები [ 28 ]