არსენ ვენგერმა "ბარსელონას" უარი უთხრა
ავტორიტეტული Le10Sport-ის მიერ გავრცელებული ინფორმაციის თანახმად, "ბარსელონამ" ლეგენდარულ სპეციალისტს, არსენ ვენგერს, შეთავაზება გაუკეთა, თუმცა უარი მიიღო.
წყაროს ცნობით, კატალონიური კლუბს მთავარი მწვრთნელის პოსტზე კიკე სეტიენის შეცვლა ვენგერით სურდა. გავრცელებული ინფორმაციით, 70 წლის ფრანგ სპეციალისტს "ბარსელონას" პროექტი და შეთავაზებული პირობები არ მოეწონა.
კიკე სეტიენს "ბლაუგრანასთან" მოქმედი კონტრაქტის ვადა 2021 წლის ზაფხულში ეწურება, თუმცა მისი მომავალი ჩემპიონთა ლიგის მიმდინარე სეზონზეა დამოკიდებული. თუ "ბარსამ" ევროპის ყველაზე პრესტიჟული საკლუბო ტურნირი ვერ მოიგო, სეტიენი, დიდი ალბათობით, გუნდს დატოვებს.
გავრცელებული ინფორმაციით, კატალონიელებს გუნდის მომავალ მწვრთნელად ლეგენდარული ჩავი ერნანდესი სურთ, თუმცა მას "ალ სადთან" მოქმედი ხელშეკრულების ვადა მომავალი წლის ზაფხულში ეწურება.
ამ სიახლეზე კომენტარები გათიშულია.
კომენტარები [ 12 ]