Sport: მესი, სუარესი და გრიზმანი "ინტერთან" არ ითამაშებენ
კატალონიური Sport-ის ინფორმაციით, ერნესტო ვალვერდე "ინტერთან" შეხვედრისთვის შემადგენლობის როტაციას გეგმავს.
მოსალოდნელია, რომ ტერ შტეგენის ნაცვლად კარს ნეტუ დაიცავს, რომელსაც ოფიციალური დებიუტი ექნება. სერჟი რობერტო დაისვენებს, მარჯვენა მცველის პოზიციაზე კი მუსა ვაგე ითამაშებს. ცენტრალურ დაცვაში უმტიტი-ტოდიბოს დუეტს ვიხილავთ.
ნახევარდაცვაში თამაშს არტურო ვიდალი და კარლეს ალენია დაიწყებენ, მესი-სუარესი-გრიზმანის შემტევი ტრიო კი არ ითამაშებს. მათი შემცვლელებიდან ერთ-ერთი კარლეს პერესი უნდა იყოს.
ჩემპიონთა ლიგის ბოლო ტურის შეხვედრა "ინტერსა" და "ბარსელონას" შორის "სან სიროზე" 10 დეკემბრის საღამოს გაიმართება. "ბარსა" ნებისმიერი შედეგით ჯგუფიდან პირველი ადგილით გავა, მილანელებსა და დორტმუნდის "ბორუსიას" კი თანაბარი ქულები აქვთ და მეორე ადგილისთვის იბრძოლებენ.
ამ სიახლეზე კომენტარები გათიშულია.
კომენტარები [ 24 ]