ალვესი "იუვესთან" ძალიან ახლოსაა
იტალიური წყაროების ინფორმაციით, "ბარსელონას" მარჯვენა მცველი დანი ალვესი ტურინის "იუვენტუსში" გადასვლასთან ძალიან ახლოსაა და ტრანსფერი უახლოეს მომავალში გაოფიციალურდება.
როგორც La Gazzetta dello Sport იტყობინება, 33 წლის ფეხბურთელი "იუვენტუსთან" კონტრაქტს 2+1 სქემით გააფორმებს. მისი ხელფასი, გარდა ბონუსებისა, წელიწადში 3.5 მილიონი ევრო იქნება. ტრანსფერი ოფიციალურად ამ კვირის ბოლოსთვის დადასტურდება.
La Repubblica-ს ცნობით, ტურინული კლუბი ალვესის ტრანსფერს უახლოესი 3 დღის განმავლობაში გააოფიციალურებს. ბრაზილიელი ფეხბურთელის "იუვეში" შესაძლო გადასვლას კიდევ უფრო ნათელს ხდის ის ფაქტი, რომ მისმა მეგობარმა გოგონამ ერთ-ერთ იტალიურ სამოდელო სააგენტოსთან ხელშეკრულება უკვე გააფორმა.
აქამდე გავრცელდა ინფორმაცია, რომ დანი ალვესი "იუვენტუსში" თავისუფალი აგენტის წესებით გადავა.
ამ სიახლეზე კომენტარები გათიშულია.
კომენტარები [ 30 ]