სუარესი: "ჩემი მთავარი მიზანი ბომბარდირობა არაა"
"ბარსელონას" ვარსკვლავი ლუის სუარესი, რომელმაც "ხიხონს" 4 გოლი გაუტანა, პრიმერას 35-ტურში გამართული მატჩის (6:0) შემდეგ კომენტარს აკეთებს და აცხადებს, რომ მისი მთავარი მიზანი ესპანეთის ჩემპიონატის საუკეთესო ბომბარდირობა არაა.
"მიკვირს, რომ 3 დღეში 8 გოლი გავიტანე. უბრალოდ, მინდა, გუნდს დავეხმარო.
ჩემი მთავარი მიზანი პრიმერას საუკეთესო ბომბარდირობა არაა, მაგრამ, თანაგუნდელების დახმარების წყალობით, ბევრს ვიტან. თუ ბომბარდირი გავხდები, კარგი იქნება, თუმცა პრიორიტეტს ესპანეთის ჩემპიონატის მოგებას ვანიჭებ.
პირველი ტაიმი რთული გამოდგა, ზოგჯერ სასურველ ტემპში ვერ ვთამაშობდით. ბურთი საჭირო სისწრაფით არ მოძრაობდა. შესვენებაზე გავაანალიზეთ, რომ მეორე ტაიმში უფრო სწრაფები უნდა ვყოფილიყავით.
ნეიმარს პენალტი დავუთმე? ფეხბურთელისთვის მთავარი საკუთარ ძალებში თავდაჯერებულობაა. ყველა მოთამაშე თავს გუნდისთვის სასარგებლოდ გრძნობს და ეს კარგ გავლენას ახდენს ყველაფერზე".
ამ სიახლეზე კომენტარები გათიშულია.
კომენტარები [ 31 ]