"ბარსა" და მესი წლის საუკეთესო კლუბისა და სპორტსმენის წოდებისთვის იბრძოლებენ
საფეხბურთო კლუბი "ბარსელონა" და მისი არგენტინელი ლიდერი ლიონელ მესი 2015 წლის საუკეთესო სპორტული კლუბისა და საუკეთესო სპორტსმენის წოდებისთვის იბრძოლებენ.
საუბარი Laureus World Sports Awards-ზე გვაქვს. "ბარსელონას" ეს ჯილდო 2012 წელს აქვს მოგებული. 2015 წელს 5 ტიტულის მოგების გამო, კატალონიელებს იგივე მიღწევის გამეორების შანსი ეძლევათ. მათი კონკურენტები ახალი ზელანდიის რაგბის ნაკრები, "გოლდენ სთეითი" (კალათბურთი), ბრიტანეთის დევისის თასის ნაკრები (ჩოგბურთი), მერსედესის გუნდი (F1) და აშშ-ს ქალთა საფეხბურთო ნაკრები იქნება.
ლიონელ მესი Laureus World Sports Awards-ზე წლის საუკეთესო სპორტსმენის ნომინაციაზე მეხუთედაა წარდგენილი. არგენტინელს ეს ჯილდო ჯერ არ მოუგია. მისი კონკურენტები უსაინ ბოლტი, სტეფ კარი, ნოვაკ ჯოკოვიჩი, ლიუის ჰამილტონი და ჯორდან სპითი იქნებიან.
ამ სიახლეზე კომენტარები გათიშულია.
კომენტარები [ 26 ]