ესპანეთის თასზე ბარსელონას მომდევნო მეტოქე ცნობილია

დღეს ესპანეთის თასის 2025/26 წლების გათამაშების 1/8-ფინალის წილისყრა გაიმართა და ტურნირის მოქმედი გამარჯვებულის, "ბარსელონას" მომდევნო მეტოქეც გაირკვა.

ჰანსი ფლიკის გუნდი 1/8-ფინალის ერთმატჩიან დაპირისპირებაში მეორელიგელ სანტანდერის "რასინგს" დაუპირისპირდება. თამაში 13, 14 ან 15 იანვარს სანტანდერში გაიმართება.

"რასინგი" ესპანეთის მეორე ლიგაში პირველ ადგილზე იმყოფება და სანტანდერელები ლა ლიგაში დაბრუნების ერთ-ერთი მთავარი კანდიდატები არიან.

სხვა წყვილებში გუნდები ასე გადანაწილდნენ:

• დეპორტივო-ატლეტიკო;
• კულტურალ ლეონესა-ბილბაო;
• ალბასეტე-რეალ მადრიდი;
• ბურგოსი-ვალენსია;
• ბეტისი-ელჩე;
• რეალ სოსიედადი-ოსასუნა;
• ალავესი-რაიო ვალეკანო.