დანი ოლმო წელს ვეღარ ითამაშებს

მადრიდის "ატლეტიკოსთან" გუშინ გამართულ შეხვედრაში (3-1) "ბარსელონამ" მნიშვნელოვანი 3 ქულა მოიპოვა, მაგრამ ჰანსი ფლიკის გუნდმა დანაკარგიც განიცადა.

65-ე წუთზე დანი ოლმომ "ბარსელონა" წინ გაიყვანა, თუმცა გოლის დროს მან დაზიანება მიიღო. ფაბრიციო რომანოს ცნობით ესპანელ შემტევ ნახევარმცველს მხარი აქვს ამოვარდნილი და მას მინიმუმ 3 კვირა გაუცდება. ეს კი ნიშნავს, რომ ოლმოს 2025 წელს მოედანზე ვეღარ ვიხილავთ.

27 წლის ფეხბურთელი ბოლო დროს კარგ ფორმაში იყო შესული. უკანასკნელ ორ მატჩში მან 3 გოლის გატანა მოახერხა.