ბარსელონა-ატლეტიკო - ჰანსი ფლიკის მატჩისწინა პრესკონფერენცია
- თამაშის დრო: სამშაბათი, 2 დეკემბერი, 23:55
"ბარსელონას" მთავარმა მწვრთნელმა ჰანსი ფლიკმა ესპანეთის ჩემპიონატის მე-19 ტურის გადმოტანილ მატჩში "ატლეტიკოსთან" დაპირისპირების წინ პრესკონფერენცია გამართა.
ვიცით, რომ ძლიერ გუნდს ვუპირისპირდებით, რომელსაც ერთ-ერთი საუკეთესო მწვრთნელი ჰყავს. რთული მატჩი იქნება. პირველ ადგილზე ვართ და სწორედ ეს გვინდა, მაგრამ სეზონი ჯერ არ სრულდება.
ბედნიერი ვარ. ტრავმების შემდეგ დაბრუნებულ ფეხბურთელებთან ერთად კიდევ უფრო მომატება შეგვიძლია და ეს ყველაზე მნიშვნელოვანია.
რა აკლია ჩემს გუნდს? ბევრ შეცდომას ვუშვებთ. თამაშის უკეთ კონტროლის უნარი გვაქვს და ბოლო მატჩებში სწორედ ეს მაკლდა. ამ ასპექტში უნდა გავუმჯობესდეთ, რადგან ამის გაკეთება შეგვიძლია.
მომენტი რაფინიასთან? ეს სასაცილო იყო. არ ვიცი, პირველად ვინ თქვა, რომ იმ კადრში მოწყენილი ვარ, მაგრამ გაბრაზებული ვიყავი - ბურთი ბევჯერ დავკარგეთ. ასევე იმედგაცრუებული ვიყავი იმით, რომ სამწვრთნელო შტაბის ორი წევრი გაგვიძევეს. ყოველ ჯერზე მიწევდა, ჩემი გუნდისთვის დამშვიდება მეთხოვა. როდესაც მესამე გოლი გავიატნეთ, მარკუს სორგი გააძევეს. მარკუსი ჩემი მეგობარია. ჩემთვის ის შტაბში ყველაზე მნიშვნელოვანი ადამიანი და ჩემი ოჯახის წევრია.
პედრი სასტარტო შემადგენლობაში სათამაშოდ მზადაა.
არაუხოს არანაირი ვირუსი არ აქვს. ის პირადი მიზეზების გამო ვერ თამაშობს. გთხოვთ, მის სიტუაციას პიტივისცემით მოეკიდოთ.
რაფინიამ დღეს მონაწილეობა მხოლოდ რონდოში მიიღო, მაგრამ ის ახლა 90 წუთი სათამაშოდ მზადაა.
ტერ შტეგენის მომავალი? ახლა ამაზე სასაუბროდ შესაფერისი დრო არაა. ის უმჯობესდება. მარკმა გუნდთან ერთად ვარჯიში დაიწყო, მაგრამ სათამაშოდ მზად არაა. უნდა მოვიცადოთ. ის კარგ ფორმაშია და ეს გვაბედნიერებს.
ზეწოლა ისეთივეა, როგორიც გასულ სეზონში იყო. მიმდინარე გათამაშების დასაწყისი, ალბათ, ურთულესია. ჩვენი დამარცხება და ჩემპიონთა ლიგის მოგება ყველას სურს.
ვფიქრობ, კლუბმა ჟოან გარსიას შეძენით სწორი გადაწყვეტილება მიიღო, რადგან ის მომავლის გარანტიაა.
ამ სიახლეზე კომენტარები გათიშულია.
კომენტარები [ 11 ]