პედრი ტრავმირებულია

"ბარსელონას" ერთ-ერთი ლიდერი და ჰანსი ფლიკის გუნდის შეუცვლელი წევრი პედრი გონსალესი ტრავმირებულია.

RAC1-ის ცნობით ესპანელ ნახევარმცველს კუნთის დაზიანება აწუხებს, რის გამოც მან დღევანდელ ვარჯიშში მონაწილეობა ვერ მიიღო.

ჯერჯერობით უცნობია, რამდენი გაუცდება პედრის. დანამდვილებით მხოლოდ იმის თქმა შეგვიძლია, რომ ის  2 ნოემბერს "ელჩეს" წინააღმდეგ ვერ ითამაშებს, რისი მიზეზიც "ელ კლასიკოში" მიღებული წითელი ბარათია.

პედრი "ბარსელონასთვის" ყოველთვის შეუცვლელი წევრი იყო, მაგრამ ეს განსაკუთრებით თვალშისაცემი გახდა გუნდში ჰანსი ფლიკის მოსვლის შემდეგ. გერმანელი სპეციალისტის ხელმძღვანელობით ჩატარებული 73 თამაშიდან ესპანელმა მონაწილეობა 72-ში მიიღო.