ნიუკასლი-ბარსელონა 1-2 - ჰანსი ფლიკის კომენტარი მატჩის შემდეგ

ჩემპიონთა ლიგის 3 ქულით დაწყება ძალიან მნიშვნელოვანია. დღეს გუნდი ფანტასტიკური იყო.

როდესაც პედრი და დე იონგი ერთად თამაშობენ, ჩვენზე პრესინგი იოლი არაა. ორივემ შესანიშნავი მატჩი ჩაატარა. ბედნიერი ვარ, რომ ასეთი თავდაჯერებულობით თამაშობენ.

რაშფორდის გოლები ხელახლა უნდა ვნახო. შესაძლოა, მეორე უკეთესი იყო. მნიშვნელოვანია, რომ მან თავდაჯერებულობა დაიბრუნოს. მარკუსს ვეხმარებით. მეორე გოლი ძალიან კარგია. ეს არ გამკვირვებია, რადგან მას ვარჯიშებზე ბევრი ბურთი გააქვს.

ველოდი, რომ "ნიუკასლი" ისევე ითამაშებდა, როგორც პირველ 15 წუთში ითამაშა. ამის შემდეგ ჩვენ სწორ რიტმში დაბრუნება მოვახერხეთ.

მე და ჩემმა შტაბმა ფეხბურთელებს საწყის 20 წუთში გოლის არგაშვების მნიშვნელობაზე ვესაუბრეთ. ეს იოლი არ იყო, რადგან "ნიუკასლს" სწრაფი, მაღალი და ძლიერი ფეხბურთელები ჰყავს, რომლებიც სტანდარტულებზე კარგად თამაშობენ.

ზაფხულში დეკუს ვუთხარი, რომ რაშფორდის მსგავსი ფეხბურთელი მოეყვანა. ძალიან ბედნიერი ვარ, რომ ის ჩვენთანაა.

შეგვიძლია ვთქვათ, რომ ყველა პოზიციაზე ორი კარგი ფეხბურთელი გვყავს.

მადლობა და მშვიდობიანი ღამე ყველას.