ნაგელსმანი: ვიმედოვნებ, ტერ შტეგენი მალე გაარკვევს თავის მომავალს
გერმანიის ნაკრების მთავარმა მწვრთნელმა, იულიან ნაგელსმანმა "ბარსელონას" მეკარის, მარკ-ანდრე ტერ შტეგენის სიტუაციაზე კომენტარი გააკეთა და იმედი გამოთქვა, რომ ფეხბურთელი მალე მიიღებს კონკრეტულ ინფორმაციას თავისი მომავლის შესახებ.
ტერ შტეგენი, სავარაუდოდ, "ბარსელონას" დატოვებს, რაც მედიის ცნობით, თავად ფეხბურთელში იმედგაცრუებას იწვევს. ამას ემატება გავრცელებული ინფორმაცია, რომ კლუბი "ესპანიოლიდან" ჟოან გარსიას გადმობარგებას ელოდება.
ნაგელსმანმა, რომელიც ეს სიტყვები საფრანგეთთან ერთა ლიგის მარცხის შემდეგ თქვა, განმარტა:
იმის გათვალისწინებით, თუ ვისთან გვაქვს საქმე, იმედი მაქვს, რომ მარკი მალე მიიღებს კონკრეტულ ინფორმაციას საკუთარი მომავლის შესახებ. ეს არის ჩემი სურვილი მის მიმართ.
გერმანელმა სპეციალისტმა ხაზი გაუსვა, რომ თავად საკითხის დეტალებში ვერ ერკვევა:
ჩემთვის რთულია სიტუაციის ობიექტურად შეფასება, რადგან მხოლოდ მედიის მეშვეობით ვიცი რაც ხდება და არ ვიცი, რამდენად მართალია ეს ყველაფერი. თუმცა, მარკი ამას გარკვეული სიმშვიდით უყურებს. მიუხედავად ამისა, ადამიანურად გასაგებია, რომ ასეთი რამ ყველაზე იმოქმედებს.
ნაგელსმანმა ტერ შტეგენის საფრანგეთის წინააღმდეგ თამაში განსაკუთრებულად შეაფასა:
ის ძალიან, ძალიან კარგად თამაშობდა და რამდენიმე შესანიშნავი სეივიც გააკეთა.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
კომენტარები [ 7 ]