ესპანეთი ფინალში დამარცხდა — პორტუგალია ერთა ლიგის გამარჯვებულია

ცოტა ხნის წინ დასრულდა “ალიანც არენაზე”, ერთა ლიგის ფინალში გამართული დაპირისპირება, რომელშიც პორტუგალიამ ესპანეთი დაამარცხა.

“ფურია როხა” ორჯერ დაწინაურდა, მაგრამ უპირატესობა ვერ შეინარჩუნა. პორტუგალიის კარი მარტინ სუბიმენდიმ (21’) და მიკელ ოიარსაბალმა (45’) აიღეს, ესპანეთს კი ნუნუ მენდეშმა (26’) და კრიშტიანუ რონალდუმ (61’) გაუტანეს.

საბოლოოდ, 120-წუთიანი ბრძოლა 2-2 დასრულდა და პენალტების სერიამდე მივიდა, რომელშიც რობერტო მარტინესის შეგირდებმა 5-3 იმარჯვეს — პორტუგალიამ ეს ტურნირი მეორედ მოიგო, რაც საუკეთესო შედეგია.

ესპანეთის შემადგენლობაში ლამინ იამალმა და პედრი გონსალესმა ითამაშეს, პაუ კუბარსი, გავი, ფერმინ ლოპესი და დანი ოლმო კი სკამზე დარჩნენ.

დღეს გაიმართა მე-3 ადგილისთვის მატჩიც — შტუტგარტში საფრანგეთმა გერმანიას 2-0 სძლია (გოლები კილიან მბაპემ და მაიკლ ოლისემ გაიტანეს). მარკ-ანდრე ტერ შტეგენმა მოედანზე 90 წუთი გაატარა.