კრიშტიანუ რონალდუმ ლამინ იამალზე ისაუბრა
დღეს კრიშტიანუ რონალდუმ პრესკონფერენციაზე ისაუბრა და მომავალ დაპირისპირებაზე გაამახვილა ყურადღება, რომელშიც ის პირველად შეხვდება ლამინ იამალს - ესპანეთისა და პორტუგალიის მატჩი გაიმართება კვირას, უეფას ერთა ლიგის ფინალში.
როგორც Diario AS იუწყება, რონალდუმ ლამინ იამალის შეფასებისას აღნიშნა:
ლამინი ძალიან კარგად თამაშობს, ის სრულად იყენებს თავის ტალანტს. ახლა მისთვის მნიშვნელოვანია, რომ ასაკი მოემატოს მშვიდად, ზედმეტი ზეწოლის გარეშე. მისით უნდა დატკბეთ და არ მოახდინოთ მასზე ზეწოლა. ნიჭი ნამდვილად არ აკლია.
რონალდუმ ასევე გაიცინა იმ შედარებებზე, რომლებსაც მედიაში აკეთებენ მასა და იამალს შორის:
ყოველთვის იყო - კრიშტიანუ ამასთან, კრიშტიანუ იმასთან. უკვე მიჩვეული ვარ. ეს სხვა თაობებია – ერთი იწყებს, მეორე ასრულებს. ლამინი უნდა შეადარონ ვინმეს თავისი თაობიდან - მაგალითად, ვიტინიას. მაგრამ არა უშავს, კრიტიკას მივიღებ. სინამდვილეში, ეს არის ერთი ნაკრები მეორე ნაკრების წინააღმდეგ. მაგრამ მესმის - მედიას უყვარს თამაშის გახურება, ეს ბუნებრივია და კარგიც კი არის. რაც ყველაზე მეტად მინდა, პორტუგალიამ ითამაშოს მაღალ დონეზე და გაიმარჯვოს ისეთი გუნდის წინააღმდეგ, რომელიც შესაძლოა დღეს მსოფლიოში საუკეთესოა.
რონალდუს აზრით, ლამინ იამალმა "ოქროს ბურთი" არ უნდა მოიგოს. ლამინ იამალი ერთ-ერთ ფავორიტად ითვლება 2025 წლის "ოქროს ბურთისთვის" ბრძოლაში, თუმცა კრიშტიანუ რონალდუ არ ეთანხმება ამ მოსაზრებას და მიაჩნია, რომ ეს ჯილდო "პარი სენ-ჟერმენის" ფეხბურთელს უნდა ერგოს.
ინდივიდუალურმა ჯილდოებმა დაკარგა მნიშვნელობა. ვერ ვიტყვი ზუსტად, ვინ უნდა მოიგოს "ოქროს ბურთი". ჩემი აზრით, იმან უნდა მოიგოს, ვინც გამოირჩევა და ჩემპიონთა ლიგას მოიგებს. მაგრამ რეალურად აღარ არსებობს კონსენსუსი. მე დიდად არ მჯერა ინდივიდუალური ჯილდოების, რადგან ვიცი, რა ხდება კულისებში. ლამინს შეუძლია მოიგოს, ისევე როგორც დემბელეს ან ვიტინიას ან სხვა მოთამაშეებს, რომლებმაც მიმდინარე სეზონში თავი გამოიჩინეს... მაგრამ ჩემთვის ინდივიდუალური ჯილდოები არაფერს ნიშნავს."
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 7 ]