ტერ შტეგენის გერმანიამ პორტუგალიასთან წააგო

ცოტა ხნის წინ, ალიანც არენაზე, ერთა ლიგის ნახევარფინალში პორტუგალიამ გერმანია 2-1 დაამარცხა.

მასპინძლები ფლორიან ვირცის თავურით იგებდნენ, მაგრამ ფრანსიშკუ კონსეისაუმ ანგარიში გაათანაბრა, შემდეგ კი გერმანიას გადამწყვეტი გოლი კრიშტიანუ რონალდუმ გაუტანა — “ლუზიტანელებმა” “მანშაფტს” 2000 წლის შემდეგ პირველად მოუგეს.

მარკ-ანდრე ტერ შტეგენი სასტარტო შემადგენლობაში იყო და მოედანზე 90 წუთი გაატარა.

მეორე ფინალისტი დღეს გაირკვევა - შტუტგარტში ერთმანეთს ესპანეთი და საფრანგეთი დაუპირისპირდებიან. მატჩი სტარტს 23:00 საათზე აიღებს.