ჯონათან ტას ბარსელონაში გადმოსვლის შანსები მცირდება
"ბარსელონა" "ლევერკუზენის" ცენტრალური მცველის, ჯონათან ტას შეძენის შანსებს კარგავს.
"ბარსა" უკვე დიდი ხანია დაინტერესებულია ტათი, რომელიც ზაფხულში თავისუფალი აგენტი ხდება. გერმანელი უკანახაზელისთვის ბრძოლაში ფავორიტად სწორედ "ბლაუგრანა" მიიჩნეოდა, თუმცა დღეისათვის სიტუაცია რადიკალურად შეცვლილია.
ფაბრიციო რომანოს ინფორმაციით, "ბაიერნმა" ტასთვის ოფიციალური შეთავაზება მოამზადა. გარიგების დასასრულებლად და ტრანსფერის განსახორციელებლად მხოლოდ 29 წლის ფეხბურთელის თანხმობაა საჭირო.
Mundo Deportivo-ს ცნობებით, ტას საბოლოო გადაწყვეტილება ჯერ არ მიუღია და ყველა ვარიანტს განიხილავს. ჯონათანმა იცის, რომ კატალონიურ კლუბს ფინანსური ფეარ ფლეის პრობლემების მოსაგვარებლად მეტი დრო დასჭირდება, ამასობაში კი "ბაიერნი" აქტიურობს და სწრაფად მოქმედებს.
ჯონათან ტა დილემის წინაშე დგას - "ბარსელონა" თუ "ბაიერნი". "რეკორდმაისტერი" უკეთეს პოზიციაშია.
![ბარსელონა ჯონათან ტასთვის ბრძოლაში ლიდერობს [Sport]](/uploads/posts/2025-04/thumbs/jonathan-ta.webp "ბარსელონა ჯონათან ტასთვის ბრძოლაში ლიდერობს [Sport]")
ამ სიახლეზე კომენტარები გათიშულია.
კომენტარები [ 13 ]