ინტერი 4 - 3 ბარსელონა | ბარსა ჩემპიონთა ლიგიდან გავარდა

მომდევნო სეზონში: პენია წავა, რომელსაც კონფლიქტი აქვს ფლიკთან. სავარაუდოთ შესნი დარჩება კიდევ ერთი სეზონი.

მეკარეები: ტერ შტეგენი, შესნი, კოჩენი/ასტრალაგა - კიდევ ერთი სეზონი გავქაჩავთ ამ სამეულით, შემდეგ სეზონში გვეყოლება ახალი მეკარე მოსაყვანი, როცა შესნი წავა. მოვა ახალი მეკარე და გადაჯდება შტეგენიც ნელნელა სკამზე. ბერტ ვერბრუგენია ჩემი აზრით საუკეთესო ვარიანტი, ხაზზე ძლიერია, გამოსვლებზე ძლიერია, ფეხით ძალიან მაგრად თამაშობს(რაც ამ ბარსაში აუცილებელი კომპონენტია მეკარისთვის), ჰოლანდიელია, ადაპტირება არ გაუჭირდება და არ მგონია ბრაიტონი მასე დააჯდეს მაგ მეკარეს რომ ვერ დავითრიოთ

კრისტენსენი ძალიან მაგარი მცველია, მაგრამ ტრავმიანი, ეს სეზონიც თავიდან ბოლომდე დამტვრეული იყო, მაგიტომ ვერ ენდო ფლიკი, მაგიტომ გამოიყვანა ორანგუტანი არაუხო და მაგიტომ დავიღუპეთ. სულ ლაზარეთში თუ იჯდება რა ხეირია მაგისგან, პლუს მაღალი ხელფასი აქვს. ასე რომ დიდი ალბათობით წავა ეგეც და მის მაგიერ მოვა ჯონათან ტა, უფასოდ. ეს არაუხო წიხლითაა გასაგდები, მინიმუმ 50 მილიონს ავიღებთ მაგაში, აგერ იუვეს უჭირს მცველები, ხან არაუხოს ეპოტინებოდნენ, ხან სილვას, ხან ინასიოს და ვის აღარ, ხოდა გაატანონ ეს საფრთხობელა, წაიღონ და ზილონ. მაგ ფულით კი მოვიყვანოთ ვან დე ვენი, ჰინკაპიე, ინასიო, ბუნჯიორნო ან ვინმე მემარცხენე ცენტრალური მცველი. პლუს ინიგოც ასაკშია და მაინც დაგვჭირდება მემარცხენე კაცი დაცვაში. საუკეთესო ვარიანტი მაინც ვან დე ვენია, ჰოლანდიელია, არ გაუჭირდება ადაპტირება ბარსაში, ჭკვიანია, კარგი პასი აქვს, უსწრაფესია, მარცხენა მცველადაც ძალიან მაგარია და ბალდესაც ეყოლება მაღალი დონის დამზღვევი. გარსია კი არაფრის დიდებით არსად არ უნდა გავუშვათ, ცენტრალურ მცველად, მარჯვენა მცველად, საყრდენად, ყველგან ძალიან კარგია, რობერტოს გაუმჯობესებული ვერსიაა, იდეალური ზამენა, სადაც გინდა დააყენე, საშუალო დონეს მაინც ყველგან დადებს.

ცენტრალური დაცვა: კუბარსი, ვან დე ვენი, ინიგო, ტა, გარსია - იდეალურ ვარიანტში.

ფორტი, ვალე, მარტინი, ლანგლე ტორე და ყველა იჯარით გაშვებული მოთამაშე მოსაშორებელია, არ გამოვა მაგათგან სალამური. მარჯვენა მცველზე კუნდეს რეზერვისტად შეიძლება ლანდრი ფარეს დაწინაურება. ფიზიკურად ძლიერია, კარგი პასი აქვს, კარგი ვარდნები, კარგი პოზიციონირება და ფლიკმაც მისცა შანსი ახლა, ინტერთანაც განაცხადში იყო. თუ ვერ გაამართლებს, გუნდში არიან გარსია და კასადო(რომელიც ამპულით სწორედ მარჯვენა მცველი იყო თავიდან, ისედაც ნორმალური სისწრაფე აქვს, სხარტი აზროვნება, კარგად კითხულობს თამაშს, კარგი ვარდნები ახასიათებს, ცენტრში ბურთის გათამაშებაშიც მიიღებს მონაწილეობას და თუ რამეა გაქაჩავს რეზერვისტობას უპრობლემოდ, ზუსტად კიმიხის პროფილის ფეხბურთელია)

მარჯვენა მცველები: კუნდე, ფარე.

მარცხნივ თუ ვან დე ვენი მოვა, ბალდეს უკვე ეყოლება მაღალი დონის რეზერვისტი და არავის მოყვანა აღარ არის საჭირო, ამ შემთხვევაში შეგვიძლია ჟოფრე ტორენტსის დაწინაურება, სწრაფი მცველია, ჭკვიანი, კარგი პასი, კარგი ჩაწოდება, შეტევაზე ორიენტირებული ტიპია ბალდეს მსგავსად, თანაც ფარეს მსგავსად ეგეც 18 წლისაა, უპერსპექტიულესი ბიჭია. აი თუ ვან დე ვენი არ მოვა(და არც ვინმე ისეთი ცენტრ მცველი, ვისაც მარცხენა ფლანგზე თამაში შეუძლია) მაშინ რეზერვისტი იქნება მოსაყვანი აუცილებლად, რადგან ბალდე პოზიციიდან და სტილიდან გამომდინარე ტრავმებისგან დაზღვეული ვერასოდეს ვერ იქნება და ვნახეთ როგორც კი დაიმტვრა, ფაქტობრივად ფრთა მოგვტყდა. ამ შემთხვევაში უნდა განვიხილოთ გრიმალდოს, კარერასის, კუკურელიას და ხოსე გაიას(ეს კი ტრავმიანია, მაგრამ როცა ჯანმრთელადაა ძალიან მაგარია, თანაც დამწნილდა ამ ვალენსიაში) კანდიდატურები

მაინც ყველაზე კარგ ვარიანტში(თუ ვან დე ვენი მოვა), მარცხენა მცველები: ბალდე, ტორენტსი

რაც შეეხება დე იონგს, ბაზარი არაა, ნომინალური ჩამშლელი არ არის, მაგრამ ვინ შეიძლება მოვიდეს მის ნაცვლად, ბაზარზე ვინ გვეგულება მასეთი, ვინაა რეჯისტას ტიპის ნახევარმცველი? ერთი ზუბიმენდი იყო და ეგეც არსენალმა წაიყვანა ფაქტობრივად, დანარჩენი მე ეგეთი არავინ მეგულება ამ წამს. ჟოაუ ნევეშის მოყვანაზე რომ იყოს საუბარი კიბატონო, მაგრამ მაგის მოყვანა ზღაპარია. კარგი, ფლიკი ისედაც 2 საყრდენით თამაშობს, სადაც ერთს პრესინგი და სირბილი მოეთხოვება(როგოეც გორეცკას ფლიკის ბაიერნში) მეორეს კი ბურთის პროგრესირება, მაგრამ ვინ არის ბაზარზე თუნდაც გორეცკას ტიპის(მუშა, შემქმნელი და საჯარიმოში შერბენებით გამორჩეული) მოთამაშე? ჩემი აზრით დე იონგის გაშვება არ უნდა ვიჩქაროთ(გარდა იმ შემთხვევისა, თუ მასში აღებული ფულით შეტევა ბოლომდე გაძლიერდება), მისი საუკეთესო ალტერნატივები ისევ გუნდში გვყვავს, ბერნალის(რეჯისტა), კასადოს(უნივერსალი) და გავის(მუშა+შემქმნელი) სახით. ზამთრამდე უნდა მოვიცადოთ, შევხედოთ როგორი დაბრუნდება ტრავმიდან ბერნალი, მნიშვნელოვნად მოუმატებს თუ არა კასადო, თუ მოერგება გავი მაგ როლს(სიმაღლე მგონია რომ პრობლემა იქნება გავის შემთხვევაში, პედრიც დაბალია და ორი დაბალი ცენტრით თამაში არ ვიცი რამდენად გაამართლებს). დე იონგი ზოგადად სახელფასო ჭერისთვისაც დიდი პრობლემაა, რამდენსაც ხელფასს იღებს, იმ დონის ფიგურა ვერ არის გუნდში, მაგრამ მთავარია სათამაშო დონე არ დაეცეს პოზიციაზე, კასადოც იდგა მანდ, მაგრამ დაბრუნდა ფრენკი და ფაქტია, აჯობა კასადოს… აი ბერნალმა თუ გაამართლა, კასადოსაც თუ დიდი პროგრესი ჰქონდა, მერე თამამად შეგვიძლია ზამთარშივე გავუშვათ ფრენკი, ჟილე დავაწინაუროთ მის ნაცვლად გუნდში და ფრენკიში აღებული ფული შეტევის გაძლიერებას თამამად მოვახმაროთ.

ნახევარდაცვა საუკეთესო ვარიანტში(თუ დე იონგის ფასად შეტევას აუცილებლად გავაძლიერებთ): ბერნალი, კასადო, პედრი, გავი, ოლმო, ფერმინი, ჟილე

შეტევაში აუცილებლად მოსაყვანია ერთი ვინგერი და ერთი ფორვარდი. სხვა პოზიციებზე თუ კიდევ შეიძლება როტაციებით ფონს გასვლა, შემტევი რესურსი გუნდში უბრალორ არ არის საკმარისი. ვინგერზე ნიკო უილიამსს და ჩავი სიმონსს განვიხილავდი, რომელიც არ უნდა მოვიდეს გამიხარდება. ნიკო თუ მოვა, რაფინიას ეყოლება რეზერვისტი, რაფინიას განთავისუფლებით კი იამალსაც გაუჩნდება შემცვლელი იგივე რაფინიას სახით, ხოლო თუ ჩავი სიმონსი მოვა, მაგას ორივე ფლანგზე ერთნაირი ეფექტურობით შეუძლის თამაში. ასევე შეიძლება დანი როდრიგესის, ან ტონი ფერნანდესის დაწინაურებაც(შემადგენლობის მეტი სიღრმისათვის), სადაც უფრო ტონისკენ ვიხრები. ფორვარდზე გვჭირდება გიოკერეში, ისაკი, ან შეშკო, სამივე მათგანზე შეიძლება ავანსების გაცემა. ლევა თუ დარჩება სკამზე შემცირებული ხელფასით ბოლო ერთი სეზონი, ძალიან კარგი იქნება, თუ არა, არც ეგაა პრობლემა. აი ფერანი კი აუცილებლად უნდა დარჩეს, შეიძლება ისეთი შთამბეჭდავი ვერ არის, მაგრამ ოქროს ზამენაა, ძალიან კარგი სეზონი აქვს, შეტევის ყველა პოზიციაზე შეუძლია თამაში, საჯარიმოში შერბენა აქვს ძალიან ძლიერი და იმ სტილის შემტევია, რომელსაც საკუთარი სტილით თამაშში ტაქტიკური ცვლილების განხორციელება შეუძლია. თანაც ტორესი ზამენაზე გვჭირდება და ვინმე მეგა ვარსკვლავი ისედაც არ მოირგებს მაგ როლს. ხოლო თუ ლევა წავა, უარეს შემთხვევაში უბრალოდ დანის და ტონის, ორივეს დავაწინაურებთ და ვნახოთ რას იზამენ ზამთრამდე, თუ ვერ გაამართლა ორივემ, მაშინ ზამთარში ფრენკის გავუშვებთ და მაგაში აღებული ფულით შეგვეძლება სიმონსი-უილიამსის დუეტიდან მეორეს მოყვანაც(პლუს სიმონსს ათიანზეც ძალიან მაგრად შეუძლია თამაში). მთავარია რაფინიამ არ გააჩმახოს ამაზე, რამენაირად უნდა აუხსნან, რომ მსგავსი კალენდრის ფონზე, თითო პოზიციაზე ორი სრულფასოვანი მოთამაშეა საჭირო; რათა გუნდი არ გადაიწვას. ეგკიარა, თუ სიმონსი-უილიამსიდან ერთ სატრანსფერო ფანჯარაზე ორივეს მოყვანას შეძლებს ლაპორტა, მაშინ ფრენკის გაშვებაც ეგრევე შეიძლება(და მაგ ფულის ერთ-ერთ ტრანსფერში ჩადება), კი, შეიძლება ბერნალმა და კასადომ ფრენკიზე მაღალი დონე ვერ დადონ, თუმცა სამაგიეროთ შეტევაში მივიღებთ იმხელა ბუსტს, რომ ღირს ეგ გაცვლა მაინც. პაუ ვიქტორს და ფატის რაც შეეხებათ, ორივე წიხლითაა გასაგდები.

მოკლედ, საუკეთესოზე საუკეთესო შემთხვევაში, გუნდის შემადგებლობა ასე წარმომიდგენია მომდევნო სეზონში;

ტერ შტეგენი, შესნი, კოჩენი

კუბარსი, ვან დე ვენი, ინიგო, ტა, გარსია

კუნდე, ფარე, ბალდე, ტორენტსი

ბერნალი, კასადო, პედრი, გავი, ჟილე, ოლმო, ფერმინი

რაფინია, ნიკო უილიამსი, იამალი, სიმონსი, გიოკერეში, ტორესი, ტონი ფერნანდესი

გვეყოლება ორი დაბალანსებული, სრულფასოვანი შემადგენლობა, აღარც ტრავმები იქნება პრობლემა და აღარც რთული კალენდარი:

1) ტერ შტეგენი - კუბარსი, ვან დე ვენი, კუნდე, ბალდე - ბერნალი, პედრი - რაფინია, ოლმო, იამალი - გიოკერეში

2) შესნი - ტა, ინიგო, გარსია, ვან დე ვენი - კასადო, გავი - უილიამსი, ფერმინი, სიმონსი - ტორესი

გვეყოლება როგორც გამოცდილი ფეხბურთელები, ასევე ნაცადი გუნდის მთავარი კონტიგენტი და ასევე ახალი ტალანტები, თანაც წარმოუდგენელი სულაც არ არის ამ გუნდის შეკვრა ფინანსური თვალსაზრისით