"მესისთან კარგი ურთიერთობა არ მქონდა, მან ბურთი სახეში გამარტყა" | ტერ შტეგენი

ბარსელონას გერმანელმა მეკარემ, მარკ-ანდრე ტერ შტეგენმა, ყოფილ თანაგუნდელზე, ლიონელ მესიზე ისაუბრა.

"მესი, ალბათ, ერთადერთი ფეხბურთელია, რომელსაც შეეძლო, თუ მოუნდებოდა, ბურთი სახეში ნებისმიერისთვის გაერტყა. ერთხელ ის ჩემზე გაბრაზდა და ბურთი პირდაპირ სახეში გამარტყა. ლეოს წყენინება არ სურდა, უბრალოდ, მსგავსი ქცევები მისი ნაწილი იყო. რატომ ბრაზდებოდა? ეს თავად არგენტინელს უნდა ჰკითხოთ.

ლიონელს უდიდეს პატივს ვცემ, მაგრამ იყო შემთხვევები, როცა ერთმანეთს ვერ ვუგებდით და კარგი ურთიერთობა არ გვქონდა: ზოგჯერ მისი ბრალი იყო, ზოგჯერ კი - ჩემი. ეს ჩემს აზრსაც პატივს სცემდა ხოლმე. მესისგან ბევრი ვისწავლე.

ლეოს თამაშის ყურება განსაკუთრებულია. ის ისეთ რაღაცებს ხედავს, რასაც სხვა ვერავინ. თუ მესის შენი შერცხვენა მოუნდებოდა, ამის გაკეთება შეეძლო. არგენტინელი ისტორიაში საუკეთესო ფეხბურთელია.

მესი მოტივაციას ბევრი ისეთი რაღაცებისგან იღებს, რისგანაც ჩვენ ვერ ვიღებთ. ლეო შესანიშნავი პიროვნება იყო, მოედანზეც და მის გარეთაც. თითქმის დარწმუნებული ვარ, რომ მისნაირს ვერასდროს ვნახავთ," — განაცხადა გერმანელმა.

ტერ შტეგენი და მესი ბარსელონაში თანაგუნდელები 2014-2021 წლებში იყვნენ. მათ ერთად 250 მატჩი ჩაუტარებიათ და ყველა ტიტული მოიგეს.