ვოიცეხ შჩესნი კვლავ დაუმარცხებელია
ვოიცეხ შჩესნი "ბარსელონაში" ისტორიის წერას განაგრძობს. პოლონელმა მეკარემ "ბლაუგრანას" მაისურით უკვე 20 მატჩი ჩაატარა და არც ერთხელ დამარცხებულა.
შჩესნი "ბარსამ" გასული წლის ოქტომბერში მარკ-ანდრე ტერ შტეგენის მძიმე ტრავმის შემდეგ დაიმატა. მისი დებიუტი კატალონიურ კლუბში 4 იანვარს ესპანეთის თასის 1/16-ფინალურ მატჩში (0-4) "ბარბასტროს" წინააღმდეგ შედგა. ვოიცეხის ანგარიშზე "ბარსელონაში" 17 მოგება და 3 ფრეა. მას წაგება არ აქვს.
34 წლის კარის დარაჯი ამ შედეგით უკვე საუკეთესო ხუთეულში იმყოფება იმ ფეხბურთელთა შორის, რომელთაც "ბარსელონური" კარიერის ყველაზე ხანგრძლივი დაუმარცხებელი სტარტი აქვთ.
საუკეთესო ხუთეული ასე გამოიყურება:
# |
ფეხბურთელი |
სეზონი |
წაუგებელი მატჩები |
| 1 | სესკ ფაბრეგასი | 2011/12 | 30 |
| 2 | პაულინიო | 2017/18 | 25 |
| 3 | იოჰან კრუიფი | 1973/74 | 23 |
| 4 | ალბერტ სელადესი | 1995/96 | 21 |
| 5 | ვოიცეხ შჩესნი | 2024/25 | 20 |
შჩესნიმ ასეთი შედეგის დაფიქსირებაში მნიშვნელოვანი წვლილი შეიტანა. ვოიცეხმა 10 შემთხვევაში, ანუ თამაშების 50%-ში, კარი მშრალად შეინახა. მან ესპანეთის ჩემპიონატში ჩატარებულ 10 მატჩში მხოლოდ 6 ბურთი გაუშვა და 5 შეხვედრაში მეტოქეს გოლის გატანის საშუალება არ მისცა.
ამ სიახლეზე კომენტარები გათიშულია.
კომენტარები [ 4 ]