ესპანეთმა ნიდერლანდებს ვერ მოუგო, საფრანგეთმა ხორვატიასთან წააგო

გუშინ ერთა ლიგის A დივიზიონის 1/4-ფინალის პირველ მატჩში ერთმანეთს ესპანეთისა და ნიდერლანდების ნაკრებები დაუპირისპირდნენ. შეხვედრა ფრედ 2-2 დასრულდა.

"ფურია როხას" სასტარტო შემადგენლობაში იმყოფებოდნენ ლამინ იამალი, პედრი და პაუ კუბარსი. ეროვნულ გუნდს ასისტით დაეხმარა პედრი, რომელიც 66-ე წუთზე დანი ოლმომ შეცვალა. ასევე 66 წუთი ითამაშა იამლმა, კუბარსიმ კი ტრავმის გამო მოედანი ნაადრევად, პირველი ტაიმის ბოლოს დატოვა. ფერან ტორესმა შეხვედრა მცირე დაზიანების გამო გამოტოვა.

"ნარინჯისფერთა" რიგებში ძირითადში ითამაშა ფრენკი დე იონგმა, რომელიც 73-ე წუთზე შეცვალეს.

ჩვენთვის საინტერესოა კიდევ ერთი მეოთხედფინალური თამაში, რომელიც ხორვატიისა და საფრანგეთის ნაკრებებს შორის გაიმართა. "ლურჯები" ანგარიშით 0-2 დამარცხდნენ. სასტარტოში მყოფმა ჟიულ კუნდემ სრულად ითამაშა.

ნიდერლანდები-ესპანეთი 2-2 - მიმოხილვა

ხორვატია-საფრანგეთი 2-0 - მიმოხილვა