ბენფიკა დამარცხებულია — ბარსელონა 1/4-ფინალში გავიდა!

ბარსელონამ ჩემპიონთა ლიგის 1/8-ფინალის განმეორებით მატჩში ბენფიკა 3-1 დაამარცხა, ორი შეხვედრის ჯამში კი მეტოქეს 4-1 მოუგო და ტურნირის შემდეგ ეტაპზეა.

დღევანდელ მატჩში ბარსა რაფინიამ დააწინაურა. მალევე, ნიკოლას ოტამენდიმ წონასწორობა აღადგინა, მაგრამ ლამინ იამალმა ბრწყინვალე გოლით ჰანსი ფლიკის გუნდი კვლავ წინ გაიყვანა. პირველი ტაიმის მიწურულს რაფინიამ დუბლი შეასრულა და საბოლოო ანგარიშიც დააფიქსირა. ბრაზილიელმა ლისაბონელებს პირველ მატჩშიც გაუტანა.

"ბლაუგრანა" 1/4-ფინალში დორტმუნდსა და ლილს შორის გამარჯვებულს დაუპირისპირდება. სიგნალ იდუნა პარკზე, მათ შორის გამართული პირველი შეხვედრა 1-1 დასრულდა, განმეორებითი მატჩი კი ხვალ, საფრანგეთში ჩატარდება.