ჰანსი ფლიკი რეალ სოსიედადთან თამაშის შემდეგ
"ბარსელონას" მთავარმა მწვრთნელმა ჰანსი ფლიკმა ლა ლიგის 26-ე ტურის მატჩში "რეალ სოსიედადის" განადგურების შემდეგ კომენტარი გააკეთა.
შესვენებაზე ასეთი უპირატესობით გასვლა დაგვეხმარა იმის გაგებაში, რა უნდა გაგვეკეთებინა მეორე ტაიმში.
სეზონი ხანგრძლივია და გვინდა, ნებისმიერი გამოწვევისთვის მზად ვიყოთ.
ბედნიერები ვართ, რადგან ყველაფერი ძალიან კარგად წარვმართეთ. 3 ქულის მოპოვებით კმაყოფილი ვარ.
გავის ძირითად შემადგენლობაში თამაშს ვგეგმავდით, მაგრამ მას გუშინ სიცხე ჰქონდა, ამიტომ სხვა ვარიანტებით ვიხელმძღვანელეთ.
ახლა მნიშვნელოვანია, მომდევნო, "ბენფიკასთან" მატჩზე ვკონცენტრირდეთ. ყველა ტიტულისთვის ბრძოლა შეგვიძლია.
"ბენფიკას" დასასვენებლად და ჩვენთან შეხვედრისთვის მოსამზადებლად ერთი კვირა ჰქონდა, ამიტომ ძალიან ფრთხილად უნდა ვიყოთ.
ყოველთვის ვცდილობთ, ასე ვითამაშოთ - რაც შეიძლება მეტი შეტევა.
არ ვფიქრობ იმაზე, როდის გადაწყდება ლა ლიგის ბედი.
გვინდოდა, არაუხოს 90 წუთი ეთამაშა, მაგრამ შევცვალეთ, რადგან მცირე დისკომფორტი ჰქონდა.
კასადომ და მარტინმა გოლი დაიმსახურეს. მათი გაუმჯობესება შესამჩნევია.
კარგია, რომ ბალდე ისვენებს და ხედავს, რომ მის პოზიციაზე კონკურენციაა.
რაფინია, პედრი და კუბარსი შევცვალეთ, რადგან "ბენფიკასთან" დაპირისპირებამდე მათი დასვენება მნიშვნელოვანი იყო.
დღეს პოზიციურად კარგად ვითამაშეთ, უკეთ, ვიდრე "ატლეტიკოს" წინააღმდეგ. სწორედ ეს გვინდა - თითოეული მატჩიდან გაკვეთილის მიღება და გაუმჯობესება. ასე გავაგრძელებთ.
იამალს გოლის გატანა უნდა, მაგრამ ასისტებიც მნიშვნელოვანია და ლამინი ამაში შესანიშნავია.
არ აქვს მნიშვნელობა, გოლს ვინ გაიტანს. ჩვენ ერთი გუნდი ვართ და როდესაც ერთ-ერთ ჩვენგანს გააქვს, ყველანი ბედნიერები ვართ.
ამ სიახლეზე კომენტარები გათიშულია.
კომენტარები [ 8 ]