ლამინ იამალი თვის საუკეთესო ახალგაზრდა ფეხბურთელია

თებერვალი "ბარსელონელებისთვის" წარმატებული გამოდგა. გუშინ ჰანსი ფლიკი ლა ლიგის თვის საუკეთესო მწვრთნელი გახდა, დღეს კი ლამინ იამალი 23-წლამდელთა შორის ესპანეთის ჩემპიონატის თვის საუკეთესო ფეხბურთელად დასახელდა.

"ბარსამ" ამ თვეში ლა ლიგაში ჩატარებული ოთხივე მატჩი მოიგო, რაშიც გუნდის 17 წლის ვარსკვლავმა ერთ-ერთი საკვანძო როლი ითამაშა.

იამალმა მიმდინარე სეზონში ეს ჯილდო აგვისტოშიც მოიგო, სექტემბერში კი ის პრიმერა დივიზიონის საუკეთესო ფეხბურთელადაც დასახელდა.

ლამინთან ერთად ლა ლიგის თვის საუკეთესო ახალგაზრდა ფეხბურთელობისთვის ხავი როდრიგესი (სელტა), ხავი გერა (ვალენსია), უჩე (ხეტაფე) და ხესუს როდრიგესი (ბეტისი) იბრძოდნენ.