რამდენად დამოკიდებულია ბარსელონა იამალზე? - გუნდის სტატისტიკა ლამინთან ერთად და მის გარეშე
მიუხედავად იმისა, რომ ლამინ იამალი მხოლოდ და მხოლოდ 17 წლისაა, ის უკვე დიდი ხანია, ბარსელონას ერთ-ერთი მთავარი ლიდერია.
ეს ბოლო პერიოდშიც გამოჩნდა, როცა ახალგაზრდა თავდამსხმელმა ტრავმა მიიღო, მის გარეშე კი გუნდს საკმაოდ გაუჭირდა. One Football-ი ამ საკითხთან დაკავშირებით საინტერესო სტატისტიკას გვთავაზობს.
აღნიშნული წყაროს ცნობით, ბარსელონამ, ლა ლიგის მიმდინარე სეზონში, იმ 4 მატჩიდან, რომელშიც იამალი სასტარტო შემადგენლობაში არ იყო, 3 წააგო და 1 ფრედ დაასრულა. ამასთან, გუნდმა მხოლოდ 5 გოლი შეაგდო.
ლამინთან ერთად (როცა ის ძირითად თერთმეტეულში იმყოფებოდა) კი ბარსამ 12-დან 12-ივე მატჩი მოიგო და 33 გოლი გაიტანა. ასევე, აღსანიშნავია, რომ ოსასუნასთან წაგებულ (2-4) შეხვედრაში, 17 წლის შემტევი 59-ე წუთზე მოედანზე შევიდა და გაიტანა.
2024/25 წლების სეზონში, ყველა ტურნირზე ერთად, იამალის ანგარიშზე 18 მატჩი, 6 გოლი და 9 ასისტია.
ამ სიახლეზე კომენტარები გათიშულია.
კომენტარები [ 19 ]