ბარსელონა 3-0 ბრესტი | ჰანსი ფლიკის გუნდი ჩემპიონთა ლიგაზე კვლავ იგებს

ბარსელონამ ჩემპიონთა ლიგის მე-5 ტურში ბრესტი 3-0 დაამარცხა.

მე-10 წუთზე, რობერტ ლევანდოვსკიმ პენალტით ანგარიში გახსნა. 66-ე წუთზე დანი ოლმომ ძალიან ლამაზი გოლი გაიტანა, მატჩის მიწურულს კი ლევანდოვსკიმ დუბლი შეასრულა და საბოლოო შედეგი დააფიქსირა.

ამ მოგებით ბარსას 12 ქულა დაუგროვდა და ჩემპიონთა ლიგის სატურნირო ცხრილში მე-2 ადგილს იკავებს. ჰანსი ფლიკის გუნდი ლიდერ ინტერს მხოლოდ 1 ქულით ჩამორჩება.

"ბლაუგრანას" ჩემპიონთა ლიგაზე შემდეგი მატჩი 12 დეკემბერს, დორტმუნდის წინააღმდეგ ელის, მანამდე კი გუნდი ლა ლიგაში 3 შეხვედრას (ლას პალმასის, მალიორკასა და ბეტისის წინააღმდეგ) გამართავს.