პედრი: ახალი კონტრაქტი? მშვიდად ვარ, ყველაფერი კარგადაა

“ბარსელონას” ნახევარმცველმა, პედრიმ, შვეიცარიასთან მატჩის წინ პრესკონფერენცია გამართა.
“ბარსელონასა” და ესპანეთის ნაკრებში თავს ძალიან კარგად ვგრძნობ. ძალიან ბევრი მატჩი? დიახ, ბევრი მატჩი გვიწევს, მაგრამ უნდა იპოვო ის, რაც სხეულის აღდგენაში გეხმარება და მე ვიპოვე ის, რაც მეხმარება. ვფიქრობ, რომ დღეს ფეხბურთში, თუ თერთმეტივე მოთამაშე ერთად მუშაობს, გაცილებით მარტივია თავდაცვა. მჯერა, რომ ჩვენ ყველა ვცდილობთ და ეს ჩანს - ბურთს სწრაფად ვიბრუნებთ და უფრო ხშირად, ვიდრე მეტოქე, შემდეგ კი გამარჯვების მოპოვება მარტივი ხდება. “ბარსასთან” ახალი კონტრაქტი? მშვიდად ვარ, ყველაფერი კარგადაა. კარგი ცვლილებები იყო ჩემთვის, ვიპოვე უწყვეტობა, რაც მაკლდა და მე ძალიან ბედნიერი ვარ სეზონის ამ სტარტით.
ჟურნალისტის კითხვაზე, ისურვებდა თუ არა ის ოლმოსთან ერთად ნაკრებში თამაშს, პედრიმ უპასუხა:
დიახ, ახლა საკმაოდ იღბლიანი ვარ, რომ მასთან ერთად “ბარსელონაში” ვთამაშობ და ერთმანეთს ძალიან კარგად ვუგებთ, მაგრამ ეს მწვრთნელის გადასაწყვეტია და მე ვერაფერს გავაკეთებ.
პედრის ამჟამინდელი კონტრაქტი “ბარსელონასთან” 2026 წლამდე მოქმედებს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 6 ]