იამალი ნაკრებს ვერ დაეხმარება და 2-3 კვირას იუქმებს

"ბარსელონას" 17 წლის ვარსკვლავი ლამინ იამალი ესპანეთის ეროვნულ გუნდს ნოემბრის სანაკრებო პაუზის დროს ვერ დაეხმარება. ეს ინფორმაცია ესპანეთის ფეხბურთის ფედერაციამ რამდენიმე წუთის წინ დაადასტურა.

იამალი "ბარსელონას" "რეალ სოსიედადთან" გუშინ გამართულ მატჩში (1-0) ვერ დაეხმარა, რაც შედეგზეც აისახა - "ბლაუგრანამ" მეტოქის კარში ზუსტად ერთხელაც კი ვერ დაარტყა (უფრო სწორად, ერთხელ დაარტყა, მაგრამ არ ჩაუთვალეს).

როგორც ირკვევა, ახალგაზრდა ფეხბურთელს დასვენება სჭირდება. სანტი ოვალეს ცნობით იამალის სრულად გამოსაჯანმრთელებლად 2-3 კვირა დასჭირდება, რის გამოც ის ესპანეთის ნაკრებს ვერ დაეხმარება.

დიდი ალბათობით იამალი გამოტოვებს "ბარსელონას" მომდევნო სამ თამაშსაც - "სელტასთან", "ბრესტთან" და "ლას პალმასთან".