რობერტ ლევანდოვსკი - უკეთ, ვიდრე ლა ლიგის 13 გუნდი

რობერტ ლევანდოვსკის მიმდინარე სეზონში იმდენი გოლი გააქვს, რომ მისი კონკურენტები არა ფეხბურთელები, არამედ გუნდები არიან.

ლა ლიგის 11 ტურში პოლონელმა მეტოქეთა კარი უკვე 14-ჯერ აიღო. მეორე ადგილზე მყოფს ის ორჯერ უსწრებს - აიოსე პერესის აქტივში მხოლოდ 7 გოლია.

სამაგიეროდ რობერტს ღირსეულ კონკურენციას უწევენ ლა ლიგის გუნდები. ესპანეთის ჩემპიონატის დარჩენილი 19 გუნდიდან ექვსს ლევანდოვსკიზე მეტი გოლი აქვს გატანილი. აი 13 გუნდს კი ვეტერანი თავდამსხმელი უსწრებს.

ის გუნდები, რომლებმაც მიმდინარე სეზონში ლევანდოვსკიზე ცოტა გოლი გაიტანეს: ალავესი (13), ლას პალმასი (13), რაიო (12), სევილია (12), ბეტისი (11), ჟირონა (11), მალიორკა (10), ესპანიოლი (10), ლეგანესი (9), ვალიადოლიდი (9), რეალ სოსიედადი (8), ხეტაფე (8), ვალენსია (8).