ბარსა ინიაკი პენიას ახალ კონტრაქტს უმზადებს
"ბარსელონა" გუნდის ამჟამინდელ პირველ მეკარესთან, იანიკი პენიასთან ახალი კონტრაქტის გაფორმებას გეგმავს. ინფორმაციას ამის შესახებ Mundo Deportivo-ს ჟურნალისტი გაბრიელ სანსი ავრცელებს.
მარკ-ანდრე ტერ შტეგენის მძიმე ტრავმის შემდეგ "ბარსამ" ახალი მეკარის ძებნა სასწრაფოდ დაიწყო, დროებით პირველ ნომრად კი კლუბის 25 წლის აღზრდილი იქცა. თუმცა ბოლო შეხვედრებში, განსაკუთრებით კი "რეალ მადრიდთან" ნაჩვენებმა შედეგმა ჰანსი ფლიკი დაარწმუნა, რომ ესპანელი კარის დარაჯის ნდობა შეიძლება, პოლონელი ვოიცეხ შჩესნი კი თავის შანსს კვლავ ელოდება.
კატალონიური მედიის ცნობით ფლიკი პენიათი კმაყოფილია, განსაკუთრებით მის მიერ გამოვლენილი ხასიათით ტერ შტეგენის ტრავმის შემდეგ. შედეგად კი მივიღეთ რეალობა, რომელშიც "ბარსელონა" აპირებს, იანიკის ხელშეკრულება გაუხანგრძლივოს. თუმცა მოლაპარაკებები ჯერ არ დაწყებულა.
მხარეებს შორის ამჟამად მოქმედ კონტრაქტს ვადა 2026 წელს გასდის.
ამ სიახლეზე კომენტარები გათიშულია.
კომენტარები [ 8 ]