რეალ მადრიდი ელ კლასიკოს დანაკლისით ხვდება
დიდი ალბათობით "რეალ მადრიდი" რამდენიმე დღეში გასამართ "ელ კლასიკოს" სერიოზული დანაკლისით შეხვდება.
გუშინ მადრიდულ გუნდს ჩემპიონთა ლიგაზე რთული მატჩი ჰქონდა "დორტმუნდთან", რაც "ბლანკოსს" ორი მნიშვნელოვანი ფეხბურთელის დაკარგვად დაუჯდა.
კარლო ანჩელოტის გუნდის ლაზარეთს შემტევი როდრიგო და მეკარე ტიბო კურტუა შეუერთდნენ.
ფაბრიციო რომანოს ინფორმაციით გადაწყვეტილია, რომ როდრიგო 26 ოქტომბერს გასამართ "ელ კლასიკოში" ვერ ითამაშებს. რაც შეეხება კურტუას, ავტორიტეტული ჟურნალისტის ცნობით მოსალოდნელია, რომ "ბარსელონასთან" დაპირისპირებას ბელგიელი მეკარეც გამოტოვებს.
ტიბო კურტუა "რეალ მადრიდის" პირველი მეკარეა, როდრიგო კი გუნდის სასტარტო შემადგენლობის წევრი. მათი არყოფნა ჩვენი მეტოქისთვის ნამდვილად დიდი დანაკლისია.
დედაქალაქელთა ლაზარეთში ასევე არიან დავიდ ალაბა, დანი კარვახალი და როდრიგოს ერთ-ერთი შემცვლელი ბრაჰიმ დიასი.
ამ სიახლეზე კომენტარები გათიშულია.
კომენტარები [ 7 ]