ბარსელონა 5-1 სევილია | ჰანსი ფლიკის გუნდი ურთულეს მატჩებს შესანიშნავ ხასიათზე ხვდება

ბარსელონამ ლა ლიგის მე-10 ტურში საკუთარ მოედანზე სევილიას უმასპინძლა და 5-1 გაანადგურა.

ბარსას მხრიდან გოლები რობერტ ლევანდოვსკიმ (2), პედრიმ და პაბლო ტორემ (2) გაიტანეს, სევილიას რიგებიდან კი ერთადერთი ბურთი სტანის იდუმბომ მიითვალა.

აღსანიშნავია, რომ ამ მატჩში, 83-ე წუთზე, პედრის ნაცვლად, მოედანზე გავი შევიდა, რომელიც გუნდს თითქმის 1-წლიანი პაუზის შემდეგ დაუბრუნდა.

ჰანსი ფლიკის გუნდს ესპანეთის ჩემპიონატში 27 ქულა აქვს და პირველ ადგილზე იმყოფება. მეორეზე 24 ქულით რეალ მადრიდია, მესამეადგილოსან ატლეტიკოს კი 20 ქულა აქვს.

ბარსელონას შემდეგი მატჩი ჩემპიონთა ლიგაზე, ბაიერნის წინააღმდეგ ელის, ლა ლიგის მომდევნო ტურში კი რეალ მადრიდს დაუპირისპირდება.