ესპანეთის სუპერ თასის 1/2-ფინალი | ბილბაოსთან მატჩის ზუსტი დრო ცნობილია

ცოტა ხნის წინ ესპანეთის ფეხბურთის ფედერაციამ სუპერ თასის ნახევარფინალური და ფინალური შეხვედრების ზუსტი დროები ოფიციალურად დაადასტურა.

ცნობილი გახდა, რომ "ბარსა" ესპანეთის სუპერ თასის 1/2-ფინალში "ბილბაოს" 9 იანვარს თბილისის დროით 23:00 საათზე დაუპირისპირდება. ბასკების დამარცხების შემთხვევაში ჰანსი ფლიკის გუნდი ფინალურ მატჩს 12 იანვარს გამართავს. თამაში თბილისის დროით ასევე 23:00 საათზეა ჩანიშნული.

ესპანეთის სუპერ თასის ყველა შეხვედრა საუდის არაბეთში გაიმართება.

"ბლაუგრანამ" ესპანეთის სუპერ თასზე მონაწილეობის უფლება ლა ლიგის გასულ გათამაშებაში მეორე ადგილის დაკავების შემდეგ მოიპოვა.