ბარსამ დე იონგისთვის სპეციალური სავარჯიშო გეგმა შეიმუშავა
"ბარსელონას" ნახევარმცველი ფრენკი დე იონგი სანაკრებო პაუზის პერიოდში სპეციალურად მისთვის შედგენილი სავარჯიშო გეგმით იხელმძღვანელებს.
უკვე ვიცით, რომ დე იონგი ნიდერლანდების ნაკრების განაცხადში არაა, რაც ფეხბურთელს საშუალებას აძლევს, სანაკრებო პაუზა გამოიყენოს და ყურადღება ფიზიკურ გაუმჯობესებაზე გაამახვილოს.
კატალონიური Sport-ის ინფორმაციის თანახმად, ჰანსი ფლიკმა და მისმა სამწვრთნელო შტაბმა დე იონგზე მორგებული სავარჯიშო პროგრამა შეადგინეს, რომელიც 27 წლის შუახაზელს დეტალურად გააცნეს. "ბლაუგრანას" მიზანი ამ გეგმის საშუალებით ისაა, რომ საკლუბო ფეხბურთის განახლებამდე ფრენკის სრულყოფილად მომზადება უზრუნველყოს.
დე იონგი ხუთ თვეზე მეტი დროის განმავლობაში მკურნალობის შემდეგ ახლახან დაბრუნდა. მან 162 დღის გაცდენის შემდეგ პირველად "იანგ ბოიზთან" გამართულ მატჩში ითამაშა.
ამ სიახლეზე კომენტარები გათიშულია.
კომენტარები [ 5 ]