ბარსელონა მარჯვენა მცველს ეძებს
"ბარსელონა" მარჯვენა მცველის ძებნას უკვე შეუდგა. ამის შესახებ ინფორმაციას Mundo Deportivo ავრცელებს.
ჟოაუ კანსელუს შეძენის წარუმატებელი მცდელობის შემდეგ ჰანსი ფლიკი დაცვის მარჯვენა ფლანგზე კვლავ ჟიულ კუნდეს ათამაშებს. ამ სეზონში გუნდის მთავარი მარჯვენა მცველი ისევ კუნდე იქნება, მისი შემცვლელის როლს კი ექტორ ფორტი შეითავსებს. მიუხედავად ამისა, ხელმძღვანელობას განაპირა მცველის დამატება სურს.
წყაროს ცნობებით, "ბარსას" მთავარი მიზანი მომდევნო ზაფხულში მარჯვენა მცველის შეძენა იქნება.
ასევე Mundo Deportivo-ს ინფორმაციით, კატალონიურ კლუბს ამ ეტაპზე ორი კანდიდატი ჰყავს. ერთ-ერთი მათგანი "ბლაუგრანას" ყოფილი და "სელტას" ამჟამინდელი ფეხბურთელი ოსკარ მინგესაა. "ბარსელონამ" 25 წლის მოთამაშეზე უფლებები დაიტოვა და შეუძლია, ის 9 მილიონ ევროდ დაიბრუნოს. კიდევ ერთი ვარიანტი "ბაიერნის" საკუთრებაში მყოფი იოზუა კიმიხია. 29 წლის გერმანელი უნივერსალია, რომელიც ნახევარდაცვაშიც ბრწყინვალედ თამაშობს.
ამ სიახლეზე კომენტარები გათიშულია.
კომენტარები [ 18 ]